Náttúrufræðingurinn - 1981, Qupperneq 128

betra. Hækkun orkuverðs á síðasta ára-
tug hefur haft mjög miklar afleiðingar á
efnahagslíf margra þjóða, og ekki er að
vænta að mikil breyting verði þar á í
fyrirsjáanlegri framtíð.
Orkunotkun er svo snar þáttur í nú-
tíma þjóðfélagi, að skiptir sköpum fyrir
fjárhagslega afkomu. Því verður erfið-
lega metið til fjár það öryggi sem er því
samfara að ráða yfir a. m. k. hluta
þeirra orkulinda sem nýttar eru í þjóð-
félaginu.
LOKAORÐ
Hér hefur nokkuð verið fjallað um
boranir eftir jarðhita, þau vandamál
sem þeim eru samfara og drepið á nýt-
ingu jarðhitans og þýðingu fyrir íslenska
þjóðfélagið. Jarðhitanýting fylgir auð-
vitað því mynstri að fyrst er ráðist í þau
verk sem eru tiltölulega auðveld og síð-
an tekist á við erfiðari og erfiðari verk-
efni. Á þann hátt er hægt að nýta tækni
og þekkingu á skynsamlegan hátt. Nýt-
ing jarðhita á íslandi hefur náð tiltölu-
lega langt og státum við nú af því að um
þriðjungur af þeirri orku sem nýtt er í
landinu er jarðvarmi. Forsenda þeirrar
nýtingar eru boranir eftir jarðhita.
ÞAKKIR
Samstarfsmenn mínir á Orkustofnun
hafa veitt ómetanlega hjálp við saman-
tekt þessa um jaröhitaboranir. Ber þar
einkum að nefna Þorgils Jónasson hjá
Jarðborunum ríkisins, sem hefur fært
margt til betri vegar um sögu jarðbor-
ana. Einnig hefur Benedikt Steingríms-
son lesið yfir handrit og bent á margt til
bóta. Ég þakka bæði nafngreindum og
ónafngreindum fyrir aðstoð þeirra.
SUMMARY
Geothermal drilling and
investigations of wells
by Valgarður Stefánsson
Orkuslofnun, Grensásvegur 9, Reykjavík, Iceland.
The history of geothermal drilling in Ice-
land is reviewed. It is concluded that the
success of geothermal utilization in Iceland
depends heavily on geothermal drilling. The
question of where and when to start
geothermal drilling is found to depend on
the knowledge of geothermal systems and
the demand for geothermal energy at each
time. Description of essential features of
rotary drilling is given and the design of
wells discussed. A short description is also
given of geological, geophysical and
geochemical investigations carried out in
connection with geothermal drilling. A
comparison of geothermal drilling with
fishing shows certain similarities. The two
activities are associated with risk and the
benefit of both are of importance for the
Icelandic society.
270