Náttúrufræðingurinn - 1981, Qupperneq 156

2. mynd Við nýtingu háhitasvæða eykst jarðrask á svæðinu og búast má við einhverjum
breytingum á umhverfinu.
þar sem stórt frárennslislón hefur
myndast. I jarðsjónum er mikið af kísli
sem myndar ört útfellingar í lóninu og
þéttir hraunið þar sem jarðsjórinn hrip-
ar niður í jörðina við barma lónsins.
Frárennslislónið við Svartsengi hefur
verið í stöðugum vexti frá upphafi
reksturs orkuversins og heldur væntan-
lega áfram að breiða úr sér verði ekki
gripið til einhverra ráðstafana. Við bor-
anir og aðrar framkvæmdir á jarðhita-
svæðinu við Svartsengi hefur jarðrask
ekki verið meira en eðlilegt má telja.
Fullt samráð hefur verið haft við nátt-
úruverndaraðila um útlit og frágang
mannvirkja. Af háhitasvæðum á Islandi
hafa hvað mestar umhverfisrannsóknir
verið gerðar við Svartsengi. Gerð hefur
verið athugun á streymi grunnvatns um
svæðið og eru gerðar reglulegar seltu- og
hitastigsmælingar í kaldavatnsholum
orkuversins. Eins eru reglulega tekin
efnasýni af jarðsjó og gufu í borholum á
jarðhitasvæðinu. Þá fara fram árlegar
hæðar- og þyngdarmælingar til að
fylgjast með hugsanlegu landsigi við
vinnslu úr svæðinu.
Krísuvík: Margar rannsóknaholur
hafa verið boraðar á jarðhitasvæðinu og
hefur ein þeirra verið notuð til lítils-
háttar upphitunar. Enn má sjá um-
merki þeirra fjölmörgu grunnu hola sem
voru boraðar fram til 1950 vegna
áforma um raforkuframleiðslu fyrir
298