Náttúrufræðingurinn - 1981, Síða 168

með því nafni var þar áður. Þetta svæði
er sérlega aðgengilegt til skoðunar og
rannsókna og nú þegar er talsverð um-
ferð um það að sumri til.
Krísuvíkursvœðið og háhitasvœðið i
Brennisteinsfjöllum eru innan marka
Reykjanesfólkvangs og falla því undir
þær reglur, sem um fólkvanga gilda. Á
siðarnefnda staðnum eru leifar mann-
virkja frá þeim tíma er þar var numinn
brennisteinn og hafa því sögulegt gildi.
Þess er að vænta að ekki verði langt að
bíða að liengilssvœðið verði a. m.k. að
hluta vettvangur stórframkvæmda í
sambandi við nýtingu jarðvarmaorku.
Telur því höfundur þessarar greinar
þörf á að um það svæði verði settar
alveg sérstakar reglur og jafnframt séð
svo til að eftir þeim verði farið. Innan
þess svæðis, sem jarðhitadeild Orku-
stofnunar nefnir Hengilssvæðið eru hins
vegar hverir, sem ástæða væri til að
friðlýsa sérstaklega svo sem Grýla í
Ölfusi og hverinn í Innstadal, sem ýmist
er gufuhver eða sjóðandi vatnshver allt
eftir stöðu grunnvatns á svæðinu. Öl-
kelduna á Ölkelduhálsi ætti einnig að
friðlýsa, þar eð hún mun eina ölkeldan á
Hengilssvæðinu.
Torfajökulssvœðið er að mestu innan
þess svæðis á hálendinu, sent þegar hef-
ur verið lýst friöland en nokkur hluti
hverasvæðisins ntun þó utan þess. Mjög
æskilegt er að heitar lindir rétt við og
jafnvel undir jökulrönd við Hrafn-
tinnusker verði alfriðaðar og næsta um-
hverfi þeirra. Við nokkrar þessara linda
eru þörungagróðurbelti — háð mis-
munandi hita og e. t. v. fleiru — álitlegt
„mikrobiologiskt" rannsóknasvið. Gos-
hver mikinn, sem þarna er, þarf og að
friðlýsa.
Kerlingarfjöll má ætla að friði sín
hverasvæði að verulegu leyti sjálf, en vel
mætti hugsa sér fjöllin öll sem fólkvang.
Hverasvæðið sem kennt er við Vonar-
310