Náttúrufræðingurinn - 1994, Síða 76

3. mynd. Þyngdarhlutfall mismunandi fœðuflokka grálúðu eftir svceðum. Tölurnar fyrir
ofan súlurnar sýna fjölda maga með fæðu á hverju svœði. - Weight composition of food-
groups of Greenland halibut in dijferent areas. The numbers above the bars show the
number of stomachs with food in each area.
en á A-svæði fundust m.a. kolmunni
(Micromesistius poutassou) og skrápflúra
(Hippoglossoides platessoides). Hlutfall
stóra kampalampa var mest á NV-, N- og
NA-svæði en þessi tegund fannst aðeins i
einum maga frá V-svæði. Isrækja var í
mestu magni á N-svæði en hlutfall hennar
var einnig talsvert á NV-svæði. Isrækja
fannst ekki í mögum grálúðu á V-svæði.
Breyting A fæðu með aukinni
STÆRÐ
Greinileg breyting varð á fæðusam-
setningunni með aukinni stærð grálúðu (4.
mynd). í grálúðu að 20 cm voru krabbadýr
yfírgnæfandi hluti fæðunnar en í 20-29 cm
grálúðu var loðna í langmestu magni.
Hlutfall loðnu fór síðan smám saman
minnkandi og hún fannst ekki í mögum
grálúðu stærri en 90 cm. Hlutfall krabba-
dýra hélst svipað í lengdarflokkum frá 20
til 80 cm en ísrækja og stóri kampalampi
voru þar langalgengustu tegundir. Krabba-
dýr voru mjög lítill hluti fæðu grálúðu
stærri en 80 cm en mjórar og aðrir fiskar
voru þar yfirgnæfandi. Hlutfall mjóra fór
ört vaxandi í mögum 50-99 cm grálúðu og
hlutur annarra fiska fór stigvaxandi frá
30 cm.
Fæðumagn EFTIR árstíma og
SVÆÐUM
Skoðað var meðalmagn fæðu og hlutfall
maga með fæðu, á mismunandi svæðum og
árstíma. Á 5. mynd má sjá niðurstöður fyr-
ir 50-59 cm grálúðu. Þó svo að niðurstöður
hafí ekki verið nákvæmlega eins fyrir aðra
lengdarflokka var tilhneigingin sú sama
(Jón Sólmundsson 1993).
Meðalmagn fæðu reyndist vera meira á
svæðunum fyrir norðvestan, norðan og
austan land á sumar- og haustmánuðum en
á V-svæði á vorin. Hlutfall maga með fæðu
fylgdi sveiflum í fæðumagni nokkuð vel
og hlutfallslega fleiri grálúður reyndust
vera í æti á sumrin og fram á haust. Grá-
lúða virðist því éta meira á svæðunum fyrir
norðan og austan land á sumrin og haustin
en á hrygningarslóðum fyrir vestan land á
vorin.
70