Andvari - 01.01.1933, Side 11

Andvari
Klemens Jónsson ráÖherra.
7
ekki ætíð stefnutastur í stjórnmálunum. Hann var ekki
vel fallinn til þess að vera flokksmaður, sízt þegar
deilurnar eru svo harðar, að ekki má finna neitt gott í
fari andstæðingaflokksins. Hann var allt af í heima-
stjórnarflokkum, þótt hann gæti ekki fylgt honum að öll-
um málum á þingi. Eins og vænta mátti, voru samgöngu-
málin einkum áhugamál Klemensar. Beitti hann sér mjög
fyrir það að útvega fé til vegagerða. Á alþingi 1895 var
hann formaður í samgöngumálanefnd í neðri deild. Sú
nefnd Iagði til, að landið léti smíða gufuskip til strand-
ferða. Skyldi það hafa rúm fyrir 100 farþega. Enn
fremur að stjórnin léti leggja síma til íslands. í ýms-
um þjóðfélagsmálum var hann frjálslyndari en flestir
aðrir þingmenn og meira i samræmi við kröfur tímanna.
Komu hér fram áhrif þau, er hann hafði orðið fyrir á
Hafnarárum. Á þinginu 1893 Iá fyrir frumvarp um leys-
ing vistarbandsins. Klemens studdi það, en sagði jafn-
framt, að nauðsynlegt væri, að endurskoða nálega alla
þjóðfélagslöggjöf vora. Hann kom síðar fram með
nokkrar tillögur, til dæmis um borgaralegt hjónaband
þjóðkirkjumanna.
Á hinu fyrsta þingi, er haldið var, eftir að alþingi
var endurreist, flutti Jón Sigurðsson tillögu um stofnun
þjóðskóla á íslandi. Þótt meining frumvarpsins sé nokk-
uð óljós, þá verður það varla skilið öðru vísi en svo, að
hér sé átt við fullkominn háskóla. Þótt ekki yrði að fram-
kvæmdum að sinni, þá var þó prestaskólinn stofnaður
og síðar læknaskólinn. Benedikt Sveinsson flutti frum-
varp um stofnun háskóla á alþingi 1881; þetta mál var
ekki útrætt á þinginu, en var samþykkt á alþingi 1883,
en var neitað staðfestinga? af konungi.
Á alþingi 1893 fluttu svo þeir Klemens Jónsson og
Skúli Thoroddsen frumvarp um stofnun lagaskóla á ís-