Andvari - 01.01.1933, Qupperneq 19

A*dvari
Klemens Jónsson ráðherra.
15
Klemens Jónsson war tvíkvæntur. Fyrri kona hans
var Þorbjörg Stefánsdóttir sýslumanns Bjarnarsonar.
Þau giftust 6. júlí 1889. Hún dó 30. jan. 1902. Þau
eignuðust fjögur börn. Lifir eitt þeirra, Anna, kona
Tryggva Þórhallssonar fyrverandi forsætisráðherra. Síð-
ari kona Klemens var Anna María Schiöth, dóttir
Schiöths bankagjaldkera á Akureyri. Þau giftust 13. okt.
1908. Lifir hún mann sinn. Þau eignuðust tvö börn, og
lifir annað þeirra, Agnar lögfræðistúdent í Reykjavík.
Klemens hlaut heiðursmerki í ríkulegum mæli. Hann
var stórriddari með stjörnu af fálkaorðunni, komman-
dör fyrstu gráðu af dannebrog og dannebrogsmaður.
Auk þess hafði hann þýzk, frönsk, hollenzk og portú-
gölsk heiðursmerki.
Klemens Jónsson var mikill vexti og rammur að afli.
Hann var að öllu hinn höfðinglegasti ásýndum, og þótti
mjög sópa að honum og hann vera yfirvaldslegri en al-
mennt gerist. Er það haft eftir þýzkum ferðamönnum,
er sáu hann, að hann líktist mest prússneskum liðsfor-
ingja að útliti og framgöngu. Hann hafði sterka rödd
og var hinn áheyrilegasti ræðumaður.
Þegar Klemens var sýslumaður í Eyjafirði, samdi
hann sig mjög að siðum bænda á ýmsan hátt, og lík-
aði það vel. Hann var gleðimaður mikill og sló ekki
hendinni á móti gæðum lífsins. Hann tók jafnan mik-
inn þátt í veizlum og samkvæmum, en hann var þó
fyrst og fremst sívinnandi starfsmaður. Síðasta árið er
hann lifði, kom hann oft upp í landsbókasafn og sat
þar við handritalestur tímum saman, en þá var hann
svo farinn að heilsu, að hann varð að láta aka sér í
vagni fram og aftur, og honum gekk erfitt að komast
upp stigann í safnahúsinu, og varð oft að styðja hann.
En sami var áhuginn; hann vann að rannsóknum sín-