Menntamál - 01.04.1960, Qupperneq 46
32
MENNTAMÁL
STEINN STEFÁNSSON:
Nýjungar í brezkum skólamálum.
Þegar rætt er um þær nýjungar í skólamálum Breta, sem
hér verða stuttlega gerðar að umtalsefni, verður ekki hjá
því komizt að fara örfáum orðum um brezkt skólakerfi al-
mennt og þá einkanlega próffyrirkomulag. Þess er þó rétt
að geta, að orðalagið „brezkt“ skólakerfi verður að taka
með fyrirvara, þar eð slíkt heildarskipulag er ekki til í
þeirri merkingu, sem við erum vön að leggja í það orð,
heldur á það aðeins við um England og Wales. Ber að hafa
það í huga, ef þetta orðalag er notað.
Skotar hafa nefnilega sitt eigið fræðslukerfi samkvæmt
sérstökum lögum, allmjög frábrugðið því enska, og ég
fann greinilega á Skotum, að þeim var annt um, að menn
gerðu sér þetta Ijóst og blönduðu því ekki saman við enska
skipulagið. Skotar vilja láta taka tillit til sín, sem sér-
stakrar þjóðar innan konungsríkisins og taka ekki í mál,
að þeir og Englendingar séu taldir eitt og hið sama.
Þetta hafði ég ekki gert mér ljóst, fyrr en ég rakst á það
nærri því að segja óþægilega, af þeirri ástæðu, að við er-
um vön að skoða allt þetta eitt, lagalega, og kalla brezkt.
Víkjum þá að hinni almennu menntun í Englandi og
Wales. Skólaskylda þar er frá 5—15 ára. Fræðslukerfinu
má í höfuðdráttum skipta í tvennt: undirbúnings- og fram-
haldsmenntun (primary and secondary education). Undir-
búningsskólinn (primary school) skiptist í tvo aðalflokka:
1. Infants school frá 5—7 ára, sem kalla mætti smá-
barnaskólann.