Menntamál - 01.04.1960, Side 61

MENNTAMÁL
47
þyrfti kennarinn einnig að hafa. Á fyrsta skólaári er hægt
meðal annars að skipta vinnu barnanna milli sýnikennslu
(hlutir) og teikninga (tölumyndir) í bækurnar. Á öðru
skólaári skiptist á munnlegur og skriflegur reikningur.
Stundum eru skýringardæmi á töflunni. Stundum vinna
börnin sjálfstætt, hvert fyrir sig. Gott er að hafa við og
við leiknipróf. Spyrja má einstaka nemendur, annað sinn
allan bekkinn, og þeir, sem geta svarað, rétta upp hönd;
stundum er sá spurður, sem svarar fyrst. Ýmsan hátt má
hafa á þessari þjálfun, eins og hverjum duglegum og hug-
kvæmum kennara finnst bezt. Kórreikning er einnig hægt
að nota dálítið, en hann er varhugaverður, vegna þess að
hinir seinni fylgjast ekki með.
Einnig á fyrstu skólaárum barnsins skal keppt að því
eins og mögulegt er að láta það vinna sjálfstætt, jafnvel
búa til dæmi sjálft. Það getur stundum verið hagnýt
aukavinna fyrir þau duglegustu. Dæmi: Bekkurinn á að
reikna í bækur sínar dæmin 42-þ9=?, 56=7=?, 65+8=?,
72 -= 8 = ? Þau sem eru fljótust, búa til lík dæmi sjálf og
reikna. Sumir telja, að kennarinn eigi ekki að gefa tæm-
andi reglur, heldur eigi hann með ýmsum dæmum að láta
nemendurna uppgötva regluna sjálfa. Enn fremur skyldu
börnin, svo fljótt sem auðið er, læra að meta svörin, eink-
um á orðadæmunum, sem auðvitað eiga að vera tekin úr
daglegu lífi, sem þau þekkja til. Mörg dæmi eru ágæt til
prófunar. T. d. Ég átti 85 kr. og keypti fyrir 46 kr.; þá
á ég 39 eftir. Prófun: 39 + 46 = 85.
Mjög er nú umdeilt heimanám barna. Þróunin erlendis
virðist öll benda í þá átt, að heimanám í barnaskólum verði
afnumið, og er þegar sums staðar. Hér á landi hagar að
ýmsu leyti öðruvísi til. Skólar styttri á ári, og færri
kennslustundir á viku, einkum í yngri deildum í bæjun-
um. Það er talið læknisráð. Af ýmsum þessum orsökum,
er heimanám barna hér á landi allmikið, og skal ekki rætt
um það í þessu greinarkorni. En eitt er víst, að kennarar