Menntamál - 01.04.1960, Page 89

menntamál
75
Það hefur komið fram á opinberum vettvangi, svo sem í blöðum og
útvarpi, að þess séu dæmi, að notkun liættulegra eiturlyfja eigi sér
stað meðal ungs fólks hér á landi. Af því tilefni vill uppeldismálaþing-
ið beina því til allra uppalenda og þjóðarinnar í lieild að standa fast
saman gegn þessum skaðvaldi og beita öllum tiltækum ráðurn, að
stemma þar á að ósi. Alveg sérstaklega heitir þingið á yfirstjórn lög-
gæzlu- og heilbrigðismála að standa þar vel á verði.
Uppeldismálaþingið fer þess á leit við skólayfirvöld landsins, að
þau vinni eindregið að því, að skólar á skyldustiginu hefji starf eigi
fyrr en kl. 9 að morgni dag hvern.
Þingið lét í ljós ánægju yfir, að hafin er bygging kennaraskóla,
og taldi nauðsynlegt, að kennsla gæti hafizt þar haustið 1960.
Þingið ítrekaði áskorun um aðild íslands að Menningar- og vís-
indastofnun Sameinuðu þjóðanna.
Samþykkt var áskorun til menntamálaráðuneytisins að efna til
verðlaunasamkeppni um handrit að íslandssögu fyrir skyldunámið.
í þinglok var eftirfarandi tiliaga samþykkt einróma:
Ellefta uppeldismálaþingið, haldið í Reykjavík í júní 1959, lýsir
eindregnum stuðningi sínum við útfærslu fiskveiðilandhelginnar.
Um leið og þingið vítir og harmar afstöðu brezkra stjórnarvalda
til þessara lífsnauðsynlegu aðgerða, heitir það á íslenzk stjórnarvöld
að standa óhagganleg við ákvarðanir sínar, unz fullur sigur er unninn.
Kennarar gagnjrœðastigsins i lieykjavik rceða skólastarfið og miðla
hver öðrum af reynslu sinni.
Þriðjudaginn 23. febrúar 1960 var kennsla látin falla niður frá
kl. 12 á hádegi í skólum gagnfræðastigsins í Reykjavík, en allir
kennarar gagnfræðaskólanna bæði fastir kennarar og stundakennarar
voru boðaðir til fundar í Gagnfræðaskóla Austurbæjar kl. 14.00 ofan-
greindan dag.
Dagskrá fundarins var þannig:
Kl. 14.00 hófst sameiginlegur fundur í samkomusal Gagnfræðaskóla
Austurbæjar.
Jónas B. Jónsson, fræðslustjóri, flutti ávarp.
Magnús Gíslason, námsstjóri, flutti erindi, sem hann kallaði: Að
vera kennari.
Sveinbjörn Sigurjónsson, skólastjóri, flutti erindi, cr hann nefndi:
Meðferð talaðs orðs í skólum.
Kl. 15.00 var fundarmönnum boðið til kaffidrykkju í skólanum. Hús-
stjórnarkennarar og nemendur hússtjórnardeildar Gagnfræðaskóla
Austurbæjar önnuðust veitingarnar.