Æskan - 01.07.1971, Blaðsíða 62
1. Niðri í fjárhirzlunni stóðu fimm duglegar stúlkur allan daginn og gljáfægðu gulldiska konungsins, sem voru tólf, því að
tólf álfkonur voru í ríkinu, og þær áttu að borða af gulldiskum. í rauninni voru álfkonurnar þrettán, en konungurinn gat nú
aðeins boðið tólf, þar sem hann átti aðeins tólf gulldiska. — 2. ,,Ef til vill væri nú réttara að biðia konunginn í nágranna-
landinu að lána okkur einn af gulldiskunum sínum," sagði konungurinn við drottninguna kvöld nokkurt, ,,en það er svo fá-
víslegt að tala um, að við eigum aðeins tólf. Við verðum að vona, að þrettánda álfkonan fái aldrei vitneskju um, að
skírnarveizla hafi verið haldin f höllinni." — 3. Þegar gert var heyrinkunnugt, að litla stúlkan ætti að heita Þyrnirós, hlógu
allir og kinkuðu kolli, og úti í kastalagarðinum hrópaði fólkið húrra. Konungurinn lyfti stoltur litlu prinsessunni upp í glugg-
ann, svo að allir gætu séð hana.
4. Nú átti að gefa skírnargjafirnar, og dýrmætustu gjafirnar komu álfkonurnar tólf með. Þær gengu fram í röð og sagði
hver sitt töfraorð, sem veitti prinsessunni dásamlegustu eiginleika. — 5. En þegar álfkonurnar ellefu höfðu mælt fram sínar
góðu óskir, stóð skyndilega þrettánda álfkonan við dyrnar. Það var sú, sem ekki hafði verið boðið. — ,,Á fimmtánda ári sínu
mun prinsessan stinga sig á snældu og deyja," hrópaði hún. — 6. ,,Uss!“ hrópaði drottningin upp yfir sig, og „þey!“ kall-
aði konungurinn, en ekkert dugði, hún hafði yfirgefið salinn. Tólfta álfkonan, sem ennþá hafði ekki mælt fram ósk sina, gekk
nú fram. — „Prinsessan skal ekki deyja, en sofna djúpum svefni," sagði hún.
Árgangur ÆSKUNNAR árið
1971 kostar kr. 380,00. Gjald-
dagi blaðsins var 1. apríl s.l.
Borgið blaðið sem allra fyrst,
því þá hjálpið þið til að gera
blaðið enn stærra og fjöl-
breyttara en nokkru sinni
áður.
Allir kaupendur ÆSKUNN-
AR njóta hins sérstaka tæki-
færisverðs á öllum
blaðsins. Verðmunur frá ho
söluverði á hverri bók er uin
30%.
62