Iðunn : nýr flokkur - 01.10.1927, Page 53

IÐUNN
]ól.
307
Sæll var ég þessi jól! — Þetta var fyrsta kirkjuför
mín, sem ég man eftir.
— Dýrð sé Guði í upphæðum. —
IV.
]afnan ber til hverrar sögu nokkuð og saga hver fer
jafnan að málsefnum.
Þrír tugir ára eru liðnir síðan ég fór þessa fyrstu
kirkjuferð mína.
Fell er ekki neitt prestssetur lengur og gifta þess
virðist gengin að fullu. — Það er ekki heldur neinn
kirkjustaður lengur.
I aldaraðir hafði kirkja þar staðið. En svo komu nýir
siðir með nýjum herrum og þá var kirkjan að Felli
lögð niður. I sama mund var kirkjan að Tröllatungu
af tekin.
I stað þessara tveggja kirkna var reist kirkja ein að
Kollafjarðarnesi — utantúns þó.
»Sameining kirkna« eða »samsteypa kirkna* er þetta
nefnt á máli þeirra, er fyrir þessu ráða. — En fækkun
kirkna heitir það á þeirra máli, er hirða um merkingu
orða tungunnar.
Kirkjan að Felli var þó ekki rifin. Hún þótti of góð
til þess. — En turninn var af henni sleginn.
Að Felli kom ég fyrir þrem árum. — Leið mín lá
hjá garði þar.
Eg bað um leyfi að fá að sjá kirkjuna gömlu — og
veittist það. — Kirkjan var mér kær frá árum fyrri.
I skjóli hennar hvíldu nú gamlir menn og konur, er
hæst bar í æsku minni.
Afi minn átti Fell og bjó þar. — Að Felli var faðir
minn fæddur og uppalinn. Hann hafði smíðað Fells-