Iðunn : nýr flokkur - 01.10.1927, Side 65

Iðunn : nýr flokkur - 01.10.1927, Side 65
IÐUNN Stephan Q. Stephansson. 319 En augn'abliksvísirinn, æfin manns stutt, veif ekkert um muninn þann samt“. Og hún læðist inn í hvert hugskot, „bjarmar í hugum þótt beri ei á“, gerir jafnvel einveru smalans léttari, gerir það að verkum, að skáldið getur kveðið slíkt kvæði sem þetta »við kolsvartan heim« um andvökunótt eftir erfitt dagsverk — og að hann getur sætt sig við dauðann og óvissuna. „Og hugar-rór stigið í hvíluna þá að hinztu, sem við ég ei skil: Svo viss að í heiminum vari þó enn hver von mín með ljós sitt og yl, það lifi, sent bezt var í sálu mín sjálfs — að sólskinið verður þó til"! Enginn sæmilega skyni borinn maður þarf að lesa meira eftir Stephan en þetta kvæði til þess að sjá, að hann er bæði stórskáld og mikilmenni — og ef til vill dái ég enn þá meira mikilmensku hans en snild og þessvegna hefi ég í þessu stutta eftirmæli valið til- vitnanirnar meira með það fyrir augum að sýna innri mann hans, en hugsanasnild hans og spámannlegar sýnir. . . . Hann var einn af þeim fáu skáldum, sem orkti sjaldan ómerkileg kvæði, því að þó að mörg af kvæðum hans séu lítt snildarleg, þá eru þau flest merk fyrir sakir þeirrar alvöru, þess styrka persónuleika og þeirrar glöggu lífsathugunar, sem í þeim er. Og eins og ég benti á í upphafi greinar þessarar, er í kvæðum hans eitthvað handa öllum. Menn geta lært af honum málkyngi, hugs- anaþrótt og drenglyndi. Menn geta flogið með honum á arnvængjum vítt um geima og svifið með honum á fiðrildisvængjum blótn af blómi, þegar »birtan sezt ei sjónum manns«. Og það er von mín, að minning hans muni alt af lifa og ljóð hans alt af verða lesin.

x

Iðunn : nýr flokkur

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Iðunn : nýr flokkur
https://timarit.is/publication/442

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.