Eimreiðin - 01.07.1943, Síða 40

216
VÆNGILLINN
EIMRBIÐIN'
það hálfan dag og réð ekki við neitt, varð að hætta og íá
stjórnina öðrum í hendur. Um nóttina hugsaði hann málið og
hóf svo á nýjan leik að morgni. Gekk þá allt eins og í sögu.
Igor Ivanovitch Sikorsky er brautryðjandi í flugvísindum,
talinn maður einrænn og fer sínar eigin götur. Hann fluttist
til Bandaríkjanna árið 1919 frá Englandi, eftir að hafa misst
aleigu sína heima í Rússlandi, í byltingunni 1918. Hann setlist
að í New York og hafði framan af ofan af fyrir sér með
kennslu í stærðfræði og stjörnufræði. Honum tókst að spara
saman fáein þúsund dollara og stofnaði með þeirn flugvéla-
verkstæði. Nokkru seinna lagði tónsnillingurinn Sergei Rach-
maninoff 5000 dollara í fyrirtækið, og Sikorsky launaði hjálp-
ina með því að gera Rachmaninoff að varaforseta þess. Fyrir-
tækið dafnaði vel, þó að ýmis óhöpp tefðu fyrir, og eftir að
Sikorsky fór að framleiða langflugvélar handa Pnn American
Airways skorti hann ekki fé. Fyrir noltkru gekk Sikorsky
með fyrirtæki sitt inn í United Aircra//-félagið, og er hann
nú framkvæmdastjóri hinnar svonefndu Sikorsky-deildar
þessa mikla fyrirtækis.
Þó að Sikorsky sé raunsær vélfræðingur, þá er hann jafn-
framt dulsinni og draumóramaður. Stundum hverfur hann
dögum saman, og veit þá enginn, hvar hann heldur sig. Þess-
um fjarvistardögum ver hann til að brjóta heilann um erfið
viðfangsefni. Hann hefur þá trú, að liugsýnir hans og það,
hversu vel honum hafi tekizt að gera þær að veruleika, séu
að þakka innblæstri l'rá ókunnum sviðum tilverunnar. Þrot-
laus vinna, viljaþrek og þolinmæði hefur einkennt allt hans
líf. En hann trúir þvi, að þetta sé ekki einhlitt, ef innsæið
skorti. Þetta innsæi telur hann fólgið í eins konar skyggni inn
i hið ókomna.
Hann hefur ritað 60 hlaðsíðna bók, sem eru trúarlegar og
dulrænar hugleiðingar hans um Faðirvorið. Og í þrjú undan-
farin ár hefur hann verið að semja bók um baráttuna milh
ills og góðs, sem nú fari yfir heiminn í sinni ægilegustu mynd.
Hann fæst einnig mikið við stjörnufræði og á sjálfur stjörnu-
athuganastöð. í honum sameinast vísindamennska hins vest-
ræna heims og dulfræði hins austræna á fágætan hátt.
Sv. S.