Uppeldi og menntun - 01.01.2002, Page 61

HANNA RAGN ARSDOTTIR
leikskólastjórar og af svörunum að dæma ríkir þar hugmyndafræði og menning sem
virðist vera fjölbreytileikanum hliðholl. Þá er vert að geta þess að í þeim leikskólum
þar sem um flóttamenn var að ræða, var starfið yfirleitt allt markvissara, betur undir-
búið og samvinna stofnana meiri en annars staðar.
Niðurstöður úr einstökum þáttum rannsóknar
Hér á eftir verða raktar í stuttu máli heildarniðurstöður úr einstökum þáttum rann-
sóknarinnar, með vísan í þann veruleika sem að baki liggur og mat leikskólastjóra á
ýmsum þáttum leikskólastarfsins.
Erlend börn í leikskólum: Fjöldi og hópar
Spurt var um fjölda barna í leikskólunum síðastliðin tíu ár í eftirtöldum flokkum:
• Flóttamenn
• Börn af erlendum uppruna
• Börn sem eiga annað foreldri íslenskt
Niðurstöður úr þessari spurningu voru ófullnægjandi, þar sem erfitt reyndist að fá
upplýsingar um fjölda þeirra barna sem um er rætt svo langt aftur í tímann. Svörin
voru m.a. þessi
• að ekki væru til skýrslur um erlendu börnin nema frá allra síðustu árum
• nokkuð tíð leikskólastjóraskipti gerðu leikskólastjórunum erfitt fyrir að gefa
slíkar upplýsingar
• leikskólastjórar voru í tímabundnu fríi og starfandi leikskólastjórar höfðu ekki
yfirsýn yfir starfið sem unnið hafði verið með erlendu börnunum
• ekki hafði verið unnið markvisst með erlendu börnunum og þess vegna væru
engar skýrslur til.
Heildarniðurstöður úr þessum lið voru þær að í langflestum tilvikum á landsbyggð-
inni höfðu verið í leikskólunum bæði börn af erlendum uppruna og börn sem áttu
annað foreldri íslenskt. I alls tíu leikskólum voru eða höfðu verið að auki eða ein-
göngu börn flóttamanna. Á landsbyggðinni kom nokkuð víða frarn að fjöldi erlendra
barna var hlutfallslega mikill. í litlu sjávarþorpi, á litlum tveggja deilda leikskóla þar
sem voru um þrjátíu börn, voru fjögur börn sem áttu báða foreldra erlenda og fimm
sem áttu annað foreldri íslenskt. í þessum barnahópi voru töluð sjö móðurmál, auk
íslenskunnar.
Svör frá ieikskólum á höfuðborgarsvæðinu við fyrstu spurningu voru mörg óskýr.
í viðtölum við nokkra leikskólastjóra kom fram að skráning erlendra barna hafi ver-
ið stopul og upplýsingar óljósar um þau og því sé reynsla af móttöku barnanna að
mörgu leyti geymd í minni, ekki í skýrslum eða tölum. Eingöngu síðustu ár hafði
skráning verið markviss, einkum eftir að Leikskólar Reykjavíkur höfðu mótað mark-
vissa móttökuáætlun fyrir erlend born. Á landsbyggðinni voru upplýsingar hins veg-
ar ljósari og bárust svör við fyrstu spurningunum um fjölda barna frá þeim öllum.
Ástæður fyrir þessum mun gætu verið færri börn á hverjum leikskóla, minni hreyf-
59