Uppeldi og menntun - 01.01.2002, Qupperneq 70

MARKVISST LEIKSKOLASTARF I FJOLMENNINGARLEGU SAMFELAGI
og hegðunarerfiðleika af þessum sökum. Með mikilli vinnu fagfólks nær barnið að
aðlagast leikskólanum og heilsa þess batnar.
Barn það sem hér um ræðir kom sem flóttamaður til íslands og fékk þá aðstoð sem
þeir hópar flóttamanna sem koma til landsins á vegum Rauða kross Islands fá, þ.e.
skipulagða og samvirkandi aðstoð fagaðila, svo sem hjúkrunarfræðinga, sálfræðinga
og leikskólastjóra. Það má leiða að því líkur að hefði barn þetta ekki komið til lands-
ins sem flóttamaður, hefði líf þess tekið aðra stefnu og aðlögunin verið mun erfiðari
og lengri. Þá er vert að geta þess að nokkuð er um að ættingjar flóttamanna úr flótta-
mannabúðum komi til íslands ári síðar, en eru þá ekki skilgreindir sem flóttamenn og
fá því ekki sömu aðstoð og þeir fjölskyldumeðlimir sem fyrir eru. Frásögnin sem hér
fer á eftir er dæmi um slíkt tilfelli og sýnir glöggt hve ólíka stefnu málin taka í leik-
skólanum.
Trausf vantar
Barn kemur í leikskóla á íslandi frá stríðshrjáðu landi. Foreldrarnir eru þó ekki flótta-
menn samkvæmt skilgreiningu og fá því ekki sömu þjónustu og undirbúning og
flóttamenn. Móðirin fylgir barninu í leikskólann og aðlögun hefst. Nokkur tími líður
og móðirin er ekki tilbúin til að yfirgefa barnið þó að aðlögun þess gangi nokkuð vel.
Óttinn er of mikill og traustið brostið vegna erfiðrar lífsreynslu. Móðirin ákveður að
taka barnið úr leikskólanum.
Ur þessari frásögn má lesa mikið óöryggi móður eftir erfiða lífsreynslu og e.t.v.
vanþekkingu hennar á aðstæðum. Einnig vanmátt starfsfólks leikskólans gagnvart
aðstæðum og skort á úrræðum. Líklegt er að með stuðningi frá t.d. sálfræðingum eða
hjúkrunarfræðingum hefði mátt styrkja móður og barn í aðlögun að nýjum aðstæð-
um.
Þátttaka sveitarfélags
Barn kemur í leikskóla á íslandi. Foreldrarnir hafa ákveðið að setjast að á íslandi
um óákveðinn tíma. Hvorugt þeirra skilur eða talar íslensku. Sveitarfélagið tekur þátt
í aðlögun barnsins með því að sjá til þess að foreldrarnir fái frí úr vinnu á launum.
Barnið er óöruggt í fyrstu, en með nokkuð langri aðlögun og þátttöku foreldra, að-
stoð túlks og vilja starfsfólks ber aðlögunin árangur og barnið spjarar sig vel í leik-
skólanum.
I þessari frásögn sem er frá litlu sjávarþorpi á landsbyggðinni má sjá dæmi um
tímabundna samvinnu sem skilar góðum árangri í aðlögun barnsins í leikskólanum.
Móðurmál
Barn kemur í leikskóla á höfuðborgarsvæðinu frá fjarlægu landi. Hvorki barn né for-
eldrar skilja eða tala íslensku í upphafi. Túlkaþjónusta er notuð á fyrsta foreldrafundi
til að fá upplýsingar um barnið og kynna leikskólastarfið. Aðlögun tekur sama tíma
og venjan er með íslensk börn. Foreldrar fá nauðsynleg skilaboð. Barninu vegnar ekki
vel í leikskólanum og gengur hægt að ná tökum á íslensku. í Ijós kemur að foreldrar
hafa ekki haldið áfram notkun móðurmáls á heimilinu, heldur tala þar þá íslensku
68