Uppeldi og menntun - 01.01.2002, Page 78

MARKVISST LEIKSKOLASTARF I FJOLMENNINGARLEGU SAMFELAGI
Mikilvægt er að auka rannsóknir á stöðu erlendra barna sem og íslenskra og
hvernig þeim vegnar í leikskólum sem einstaklingum með sérstakar þarfir. Auka þarf
verulega umræðu starfsfólks leikskóla um reynslu, leiðir sem farnar hafa verið og ár-
angur þeirra. Ljóst er að hjá þessum hópi býr nú þegar mikilvæg reynsla sem nýta má
til uppbyggilegs starfs í framtíðinni. Nokkur framför hefur einnig orðið hvað varðar
þekkingu á málefnum erlendra barna undanfarin ár í skólakerfinu og í samfélaginu
almennt, en betur má ef duga skal.
Nauðsynlegt er að yfirvöld og skólakerfið tryggi erlendum börnum, jafnt og ís-
lenskum réttindi sem þeim ber skv. Barnasáttmálanum. Taka þarf tillit til aðstæðna
einstaklinga og hugleiða hvernig best verður unnið miðað við aðstæður á hverjum
stað. Ljóst er að starfið mótast að einhverju ieyti af stöðu barnanna og fjölskyldna
þeirra hverju sinni. Tryggja þarf börnunum góðan grunn í íslensku samfélagi og þar
gegnir leikskólinn, og síðar grunnskólinn, lykilhlutverki. Síðast en ekki síst þarf að
skoða fólksflutninga í alþjóðlegu samhengi. Eins og fram hefur komið hér á undan
eru flutningar milli landa ekki einkamál þeirra sem flytja. Takast þarf á við breytt
samfélag, fjölmenningarlegt samfélag sem ögrandi verkefni frekar en ógnun. Þótt
sumar ríkisstjórnir hafi brugðist harkalega við atburðum haustsins 2001 og að vissu
leyti stöðvað þróun hvað varðar máiefni erlendra íbúa, hafa aðrar ríkisstjórnir aukið
umræðu um menntamál erlendra íbúa og ræða nú hvað hefur mistekist og hvað má
betur fara í framtíðinni. íslendingar eru í þeirri sérstöku aðstöðu að geta lært af langri
reynslu nágrannaríkjanna og sótt til þeirra margvíslegar upplýsingar um starf með
erlendum börnum. Einnig fjölgar þeim sífellt á íslandi sem hafa reynslu af og þekk-
ingu á lífi í fjölmenningarlegu samfélagi. Mikilvægt er að leikskólarnir og ekki síður
skólakerfið í heild nýti sér þennan þekkingarbrunn til markviss og uppbyggilegs
starfs í framtíðinni.
Ef til vill má segja að tímabært sé að láta af þeirri hugsun að greina þurfi nýbúa frá
síbúum, aðkomufóik frá heimamönnum í barnahópnum og snúa sér að þörfum og
réttindum þeirra barna sem á íslandi dveljast og skyldum samfélagsins við þau.
76