Uppeldi og menntun - 01.01.2002, Blaðsíða 83

SIF EINARSDÓTTIR OG JÓHANNA EINARSDÓTTIR
Fátt er reynslunni fróðara:
Námsgengi ólikra nemendahópa i
leikskólakennaranámi
Tilgangur rannsóknar þessarar var að kanna námsgcngi ólíkra nemendahópa í leikskólakenn-
aranámi við Kennaraháskóla íslands. Til þátttöku í rannsókninni voru valdir allir nemendur
sem hófu nám í leikskólakennaranámi á þremurfyrstu árunum (1998-2000) sem námið var
kennt á háskólastigi". Þátttakendur voru alls 198, allt konur. Bornar voru saman einkunnir
og skráningarstaða hópa eftirfyrri menntun, aldri og starfsreynslu, en þeirra upplýsinga var
aflað úr umsóknum þeirra um nám við skólann. Samanburður á meðaleinkunnum þessara
hópa leiddi íIjós að stúdentar standa sig betur á heildina litið en þeir nemendur sem ekki hafa
lokið stúdentsprófi. Einnig höfðu nemendur með lengri starfsreynslu tilhneigingu til að
standa sig betur íákveðnum þáttum námsins. Þeir nemendur sem bæði hafa stúdentspróf og
starfsreynslu í leikskóla standa sig best í náminu. Aldur hafði ekki áhrif á námsgengi nem-
enda en eldri nemendur hættu frekar í námi en þeir yngri. Niðurstöður eru ræddar ogfjall-
að um áhrifþeirra á stefnumótun á sviði inntöku eldri nema og hvernig koma megi til móts
við þarfir ólíkra nemendahópa í háskólanámi.
Árið 1997 færðist nám í Fósturskóla íslands yfir á háskólastig þegar skólinn samein-
aðist Kennaraháskóla Islands (KHÍ). Haustið 1998 voru fyrstu nemendur teknir inn í
leikskólakennaranám til B.Ed. prófs. Samkvæmt lögum um háskóla (nr. 137/1997)
skulu nemendur sem hefja nám í háskóla hafa lokið stúdentsprófi, öðru sambærilegu
námi eða búa yfir jafngildum þroska og þekkingu að mati stjórnar viðkomandi há-
skóla. Inntökuskilyrði í KHÍ eru, í samræmi við lögin, stúdentspróf, önnur sambæri-
leg próf, eða náms- og starfsreynsla sem að mati inntökunefndar tryggir jafngildan
undirbúning (Kennaraháskóli íslands, 2001). Samkvæmt upplýsingum frá inntöku-
nefndum KHI hafa rúmlega 60% umsækjenda í leikskólakennaranám ekki lokið stúd-
entsprófi. Stúdentar ganga fyrir við inntöku en þrátt fyrir það hafa um 35% nemenda
sem teknir eru inn í leikskólakennaranámið ekki fengið hefðbundinn undirbúning
11 Svönu Runólfsdóttur eru færðar bestu þakkir fyrir að koma upplýsingum nemendaskrár KHÍ í
rannsóknarhæft form. Ingibjörgu Bergmundsdóttur þökkum við aðstoð við heimildaleit. Önnu
Þráinsdóttur, Kristjönu Stellu Blöndal og Ragnhildi Bjarnadóttur kunnum við bestu þakkir fyrir
yfirlestur og gagnlegar athugasemdir við handrit.
81