Uppeldi og menntun - 01.01.2002, Síða 91

SIF
EINARSDÓTTIR OG
JOHANNA
EINARSDOTTIR
munur á meðaleinkunn stúdenta og þeirra sem ekki hafa lokið stúdentsprófi kemur
fram í námskeiðunum: Leikskólinn og leikskólabarnið (1,0), Þróunarsálfræði (0,9) og
Vinnubrögð og málnotkun (0,7). Þó ekki komi fram mikill munur á heildarmeðalein-
kunnum nemenda eftir fyrri menntun þeirra, eru stúdentar þó með um heilum hærri
'í einkunn í þremur námskeiðum af sjö sem telst vera allnokkur munur á einkunna-
kvarða sem spannar frá 0-10.
Mynd 1
Einkunnir á fyrsta ári eftir fyrri menntun nemenda
Athugun á skráningarstöðu leiddi í ljós að jafn hátt hlutfall þeirra sem ekki hafa stúd-
entspróf halda áfram í námi eftir fyrsta árið eins og þeirra sem hafa stúdentspróf. Um
fjórðungur nemenda úr báðum hópum hættir námi, fellur eða frestar námi (sjá mynd
4 ). Svo virðist sem stúdentsprófið hafi engin áhrif á brotthvarf nemenda úr leikskóla-
kennaranámi (x2(h N = 191) = 0,41, p = 0,52).
Aldur
Til að skoða námsgengi nemenda eftir aldri var athugað hvort að þeir sem eru 25 ára
og eldri standi sig betur eða verr í náminu en þeir sem yngri eru. Eins og sjá má á
mynd 2 er enginn munur á heildarmeðaleinkunn nemenda í aldurshópunum tveim-
ur en eldri nemendurnir standa sig jafn vel og þeir yngri í þremur námskeiðum af
þeim sjö sem athuguð voru. Eldri nemar eru með hærri einkunnir en yngri nemend-
ur í tveimur námskeiðum, Sögu uppeldis og menntunar (0,6) og Félagsfræði (0,2).
Aftur á móti standa yngri nemendurnir sig betur í tveimur námskeiðum, Leikskólinn
og leikskólabarnið (0,2) og Málþroski og málörvun (0,2).
89