Tímarit lögfræðinga - 01.10.1953, Síða 3

TÍMARIT LÖGFRÆÐINGA
U. hefti, desember 1953.
Árni Tryggvason:
Aðstaða dómara til andsvara
við gagnrýni.
I 1. hefti Tímarits lögfræðinga þ. á. ritar dr. jur. Einar
Arnórsson grein, er hann nefnir Gagnrýni dómsúrlausna.
Hreyfir greinarhöfundur hér athyglisverðu efni, sem mér
þykir rétt að ræða nokkuð nánar.
Það munu vera fáir opinberir starfsmenn, sem reyna
eins og við dómendur sannindi þeirra orða, að erfitt er
að gera svo öllum líki. Óánægjan með gerðir okkar, dóms-
úrlausnirnar, birtist síðan á ýmsan hátt og meðal annars
í rituðu eða töluðu máli. Stundum er þessi gagnrýni órök-
studd meiðyrði, sem beinast jafnvel frekar að dómurunum
persónulega en dómum þeirra. Ef ástæða þykir til, er slík-
um árásum svarað með opinberri rannsókn og málshöfð-
un, ef því er að skipta, en annars mun það almennt talið
ósamboðið virðingu dómstóla, að dómarar taki á annan
hátt til andsvara af slíku tilefni. Sama máli mun og gegna
um ýmsa gagnrýni um dóma, sem einkum leikmenn láta
stundum uppi og byggist á auðsæjum, fáránlegum mis-
skilningi eða vanþekkingu. Eg get þó ekki stillt mig um að
minnast á eina athugasemd, sem heyrist hér stundum
manna á meðal, og það er sú staðhæfing, að einstaklingum
þýði lítt að hugsa til málssóknar á hendur stjórnvöldum
ríkisins, því að ríkið eigi jafnan sigurs von fyrir dóm-
stólunum. Að sjálfsögðu ber þessi athugasemd nokkurn
keim af meiðandi aðdróttun í garð handhafa dómsvalds-