Tímarit lögfræðinga - 01.06.1961, Qupperneq 43

vinnu um samræmingu löggjafar svo og alþjóðlegri lagasam-
vinnu. Hann er meðal hinna fyrstu fræðimanna á Norður-
löndum, sem brotið hef.ur til mergjar á fræðilega vísu vanda-
mál alþjóðlegs einkamálaréttar, en í öðrum greinum hefur
hann bætt miklu við hinn trausta fræðilega stofn fyrirrenn-
ara sinna. Hann má tvímælalaust telja einn kunnasta fræði-
mann í lögfræði á Norðurlöndum.
Fyrir því telur Háskóli íslands sér heiður að því að sæma
Oscar Borum nafnbótinni doctor juris honoris causa.
Nils Herlitz er fæddur 1888. Hann hefur verið háskóla-
kennari í nærfellt fjóra áratugi; fyrst í Uppsölum, en lengst
af í Stokkhólmi. Hann hefur verið afkastamikill rithöfundur
bæði á sviði sögu og lögfræði. Hann var upphaflega háskóla-
kennari í sagnfræði, en hvarf síðar að lögfræðilegum rann-
sóknum, og lengstum hefur hann verið prófessor í stjórnlaga-
fræði, stjórnarfarsrétti og þjóðarétti, svo og í þjóðfélagsfræði.
Rit hans eru mjög mörg, og flest varða þau stjórnskipun
og stjórnarfar Svía eða sænska stjórnmálasögu. Síðustu árin
hefur prófessor Herlitz unnið að miklu yfirlits- og saman-
burðarriti um norrænan allsherjarrétt. Með ritstörfum sínum
hefur prófessor Herlitz getið sér mikinn orðstír, bæði í heima-
landi sínu og á Norðurlöndum öllum, og verður hann vafa-
iaust talinn einn kunnasti stjórnlaga- og stjórnarfarsfræðing-
ur, sem nú er uppi á Norðurlöndum. Um langt skeið var
hann áhrifamikill stjórnmálamaður í heimalandi sínu og var
meðal helztu hvatamanna að stofnun Norðurlandaráðs.
Af þessum sökum telur Háskóli íslands sér heiður að því
að sæma Nils Herlitz nafnbótinni doctor juris honoris causa.
Knut Ingebrigt Robberstad er fæddur 1899. Hann var um
nokkurt skeið starfsmaður dómsmálaráðuneytisins norska, en
1940 gerðist hann prófessor við háskólann í Oslo. Hafa helztu
kennslugreinar hans þar verið réttarsaga og eignaréttur, þ. á
m. óðalsréttur og eignarnámsréttur. Þá hefur hann einnig
lengi kennt kirkjurétt við safnaðarskólann í Osló. Hann hef-
ur gefið út norsk fornlög og þýtt sum þeirra á landsmál, en
ritað að auki mikið í réttarsögu, eignarétti og kirkjurétti.
Hann hefur í rannsóknum sínum fjallað mjög um vestnor-
Tímarit lögfræðinga
89