Tímarit lögfræðinga - 01.07.1973, Qupperneq 9

Dr. Heribert Golsong:
LAGASTARF EVRÓPURÁÐSINS
1. Evrópuráðið var stofnað með sáttmála, sem undirritaður var í
London 5. maí 1949 af fulltrúum 10 ríkja. Það er því elzta Evrópu-
stofnunin og sú þeirra, sem flest ríki standa að. Eru aðildarríkin
nú 17: Austurríki, Belgía, Bretland, Danmörk, Frakkland, Holland,
Irland, Island, Ítalía, Kýpur, Lúxemborg, Malta, Noregur, Sviss,
Svíþjóð, Tyrkland og Vestur-Þýzkaland. 1 1. gr. stofnskrár Evrópu-
ráðsins er tilgangi þess lýst með þessum orðum:
(a) Markmið Evrópuráðsins er að koma á nánari einingu meðal
þátttökuríkja þess, í því skyni að vernda og koma í fram-
kvæmd þeim hugsjónum og meginreglum, sem eru sameigin-
leg arfleifð þeirra, svo og til þess að stuðla að framförum á
sviði efnahags- og félagsmála.
(b) Unnið skal að markmiði þessu innan ráðsins með umræðum
um þau mál, sem sameiginlega þýðingu hafa, og með samn-
ingum og sameiginlegum aðgerðum á sviði efnahags- og fé-
lagsmála, menningarmála og vísinda-, laga- og stjórnarfars-
mála og með varðveizlu og frekari framkvæmd mannréttinda
og grundvallarfrelsishugsj óna.
2. Markmiði Evrópuráðsins er nánar lýst í „Starfsáætlun um sam-
vinnu ríkisstjórna“ aðildarríkjanna, en þar segir að vinna skuli að:
„samræmingu löggjafar aðildarríkjanna í þeim tilgangi að ná
markmiðum þeim, sem lýst er í stofnskrá Evrópuráðsins;
traustari lagaframkvæmd í skiptum milli aðildarríkja og því
jafnrétti, sem frekast verður náð, milli borgara aðildarríkis,
sem dvelst í öðru aðildarríki, og þegna dvalarlandsins; við-
ræðum um undirbúning löggjafar; samvinnu um slíkan undir-
búning; svo og sameiginlegum ráðstöfunum til að koma í veg
fyrir afbrot og varðandi meðferð brotamanna.“
7