Tímarit lögfræðinga - 01.07.1973, Síða 21

Af þessu sést, að ríkisskattanefnd hefur ávallt meira eða minna
haft með höndum álagningarstörf og önnur störf, sem snerta fram-
kvæmd skattamála, sem telja verður ósamrýmanleg starfi dómstóls.
Með lögum nr. 7/1972 er gerð breyting á þessu. Með 13. gr. laganna
er ákveðið, að ríkisskattstjóri eigi ekki lengur sæti í ríkisskattanefnd.
I nefndinni skulu eiga sæti þrír menn og þrír til vara. Skal fjármála-
ráðherra skipa formann og varaformann, en þeir skulu fullnægja skil-
yrðum til að vera skipaðir héraðsdómarar, hafa lokið prófi í hagfræði
eða viðskiptafræði, vera löggiltir endurskoðendur eða hafa aflað sér
sérþekkingar á skattalöggjöf og framkvæmd hennar. Aðra nefndar-
menn og varamenn, þ. e. samtals fjóra menn, skipar ráðherra úr hópi
sex manna, sem Hæstiréttur tilnefnir sem hæfa til starfsins.
1 3. mgr. greinarinnar er tekið fram, að ríkisskattanefnd skuli vera
óháður úrskurðaraðili í ágreiningsmálum út af álagningu skatta, eins
og nánar er ákveðið í lögum þessum, og tekið er fram, að í nefndina
megi ekki skipa menn, sem gegna ábyrgðar- eða trúnaðarstöðum við
stjórn samtaka atvinnurekenda, stéttarfélaga eða á sviði fjármála og
skattheimtu hjá ríki og sveitarfélögum.
Með þessu ákvæði virðist miðað að því að slíta nefndina úr tengsl-
um við önnur stjórnvöld og gera hana að dómstóli í skattamálum, sbr.
orðalag í greinargerð laganna um 13. gr., þar sem segir: „Er þetta
ákvæði sett til að tryggja henni það traust almennings, sem hverjum
dómstóli er nauðsynlegt.“
Með 15. gr. laga 7/1972 er síðan nefndin losuð undan öllum álagn-
ingarstörfum og öðrum störfum, er snerta framkvæmd skattamála,
og henni ætlað það eitt verkefni að úrskurða þær kærur, sem til henn-
ar koma. Þó má ef til vill segja að líta verði á það sem álagningarstörf,
þegar með kæru til ríkisskattanefndar kemur framtal, sem ekki hefur
komið áður. En gert er ráð fyrir, að ríkisskattanefnd ákveði skatta
skv. slíku framtali með hliðsjón af viðurlögum 47. gr. 7. mgr.
Samkv. 41. gr. laga nr. 68/1971 er kærufrestur til ríkisskattanefndar
21 dagur frá uppkvaðningu úrskurðar skattstjóra, og gildir það sama
og um kærur til skattstjóra, að nægilegt er, að þær séu póstlagðar
innan frestsins.
Skv. 3. og 9. mgr. 41. gr. skal ríkisskattstjóri vera umboðsmaður
fjármálaráðherra og annarra gjaldkrefjenda í málum fyrir ríkisskatta-
nefnd, og verður því framvegis nokkurs konar málflutningsmaður þess-
ara aðila.
Samkvæmt 2. mgr. lagagreinarinnar er ríkisskattstjóra heimilt að
skjóta úrskurðum skattstjóra til ríkisskattanefndar á næstu þremur
19