Tímarit lögfræðinga - 01.07.1973, Side 68

hafa starfsmenn borgar-, bæjar- og sveitastjórna svo og sýslufélaga samn-
ingsrétt eftir ákvæðum laganna að því breyttu, að einstök félög starfsmanna,
sem hlutaðeigandi sveitarstjórnir og sýslunefndir viðurkenna, fara með allan
samningsrétt. Skal félagsmálaráðherra setja um þetta reglugerð að höfðu
samráði við stjórnir heildarsamtaka þeirra, er viðurkenningu hafa hlotið. Ekk-
ert er því til fyrirstöðu, að sveitarstjórnir viðurkenni fleiri en eitt starfsmanna-
félag til að fara með samningsréttinn. Má hugsa sér, að þeir starfsmenn
sveitarstjórna, sem eru innan vébanda BHM stofni sérfélög til að fara með
þennan samningsrétt.
Hrafn Bragason
NÝ LÖG BANDALAGS HÁSKÓLAMANNÁ
Vegna breytinga á lögunum um kjarasamninga opinberra starfsmanna, var
nauðsynlegt að endurskoða lög BHM. Því er nú lokið, og ný lög fyrir banda-
lagið hafa verið samþykkt.
1 lögum BHM er ný grein um launamálaráð. Ekkert sagði um launamálaráð
í fyrri lögum, þótt slíkt ráð hefði lengi starfað. Nú er gert ráð fyrir, að launa-
málaráð ríkisstarfsmanna verði samninganefnd og í fyrirsvari við gerð aðal-
kjarasamnings. í ráðinu á sæti 1 fulltrúi frá hverju aðildarfélagi, sem hefur
ríkisstarfsmenn innan sinna vébanda. Auk þess tilnefnir stjórn BHM 2 menn
í ráðið. Við atkvæðagreiðslu í því fer hver fulltrúi með eitt atkvæði fyrir hvert
byrjað hálft hundrað ríkisstarfsmanna, en fulltrúar stjórnar BHM hafa ekki
atkvæðisrétt. Stjórn BHM skal skv. lögunum taka ákvörðun um uppsögn kjara-
samninga samkvæmt tillögu launamálaráðs, þannig að launamálaráð tekur
raunverulega ákvörðun um uppsögnina. Einnig skal stjórn BHM, samkvæmt
tillögu launamálaráðs, tilnefna mann í Kjaradóm, Kjaranefnd og Félagsdóm.
Gert er ráð fyrir, að mynduð verði ný launamálaráð, ef BHM tekur upp samn-
inga við aðra en ríkið. Þá er í lögunum gert ráð fyrir, að lagt skuli sérstakt
samningsgjald á þá, sem bandalagið semur fyrir. Augljóst er, að bandalagið
mun þurfa að leggja í mikinn kostnað vegna kjarasamninga, og verður að
telja sanngjarnt, að þeir, sem njóta eiga samninganna, standi undir þeim
kostnaði.
Ýmsar aðrar breytingar hafa verið gerðar á lögum BHM. Mikilvægust þeirra
er sú, að nú er gert ráð fyrir, að haldið verið þing bandalagsins annað hvort
ár. Á þinginu skal vera einn fulltrúi fyrir hverja 25 félagsmenn. Vonast er til, að
fjölsótt þing auki tengslin við félögin. Auk þess er þinghald góð kynning fyrir
bandalagið út á við. Þá er í lögunum ný grein, sem fjallar um ráð sjálfstætt
starfandi háskólamanna, sem vinna skal að sameiginlegum hagsmunum þess
hóps. i ráðinu á sæti einn fulltrúi fyrir hvert aðildarfélag, sem hefur sjálfstætt
starfandi menn innan sinna vébanda.
Guðríður Þorsteinsdóttir
66