Tímarit lögfræðinga - 01.11.1978, Blaðsíða 6

bæði hér á landi og annars staðar, og nægir í því sambandi að líta á
gamla taxta og verðlagsskrár.
Þrátt fyrir verðbólgu, verðhækkanir og verðbreytingar er mönnum
og lögaðilum nauðsynlegt að semja sín á milli um ýmis viðskipti, þar
sem samningsaðilar eiga að inna af hendi eitthvert verðmæti gegn
greiðslu í öðru verðmæti eða verðmæli, og samningar eiga að gilda
tiltölulega iangan tíma. Þetta er þjóðfélagsnauðsyn.
Hér verður lítið eitt á það drepið, hvernig með skuli fara, þegar
samningar, sem voru eðlilegir og skynsamlegir, þegar þeir voru gerðir,
verða vegna áhrifa verðbólgu ósanngjarnir og óhæfir sem slíkir.
Ekki er ástæða til þess hér að rifja upp söguna um verðbólguna á
íslandi síðustu áratugi. Benda verður á, að hinar Norðurlandaþjóð-
irnar berjast einnig við verðbólgu og bera sig illa, þó að verðbólga
hjá þeim sé óveruleg miðað við verðbólguna á Islandi.
I.
Drepið skal lauslega á, hvernig þessum málum er skipað á Norður-
löndum.
1. Danmörk. Með lögum nr. 250/1975 var gerð veruleg breyting á
dönskum lögum um brot á fjármálasviðinu og viðurlög við þeim. Var
þannig breytt ákvæðum 282. gr. og 300. gr. hinna dönsku hegningar-
laga. Með sömu lögum var breytt ákvæðum dönsku samningalaganna
nr. 242/1917. Meginbreytingin var gerð á 31. gr. samningslaganna,
er svaraði í meginatriðum til 7. gr. okurlaganna íslensku nr. 58/1960.
Hin nýja 31. gr. hljóðar nú svo:
Benedikt Sigurjónsson hæstaréttardómari lauk
lagaprófi 1940 og var síðan um 15 ára skeið
fulltrúi lögmannsins í Reykjavík og borgar-
dómara. Hann varð hæstaréttarlögmaður 1955
og rak frá því ári til ársloka 1965 lögmannsstofu
í Reykjavík. Þá var hann skipaður i embætti
það, er hann gegnir nú. í grein þeirri, er hér
birtist, fjallar Benedikt um áhrif verðbólgu á
efndir samninga. Greinin er byggð á fram-
söguerindi hans á norræna lögfræðingaþing-
inu í Kaupmannahöfn I ágúst s.l., en Benedikt
var þar málshefjandi ásamt Finnanum Leif
Sevón. Lýst er lagareglum, sem nýlega hafa
verið settar í grannlöndunum, fjallað um, hvað
æskilegt sé og hugsanlegt hér á landi og settar
fram hugmyndir höfundar þar að lútandi.
100