Tímarit lögfræðinga - 01.11.1978, Blaðsíða 15

Guðrún Erlendsdóttir lektor:
Á AÐ LÖGFESTA ÁKVÆÐI
UM JAFNRÉTTI KYNJANNA?
I. INNGANGUR.
Þetta er í fyrsta skipti, sem jafnrétti kynjanna er til umræðu á
norrænu lögfræðingaþingi. Jafnrétti í hjúskaparlöggjöfinni var meðal
fyrstu efna, sem tekin voru til meðferðar á 1. og 2. norrænu lögfræð-
ingaþingunum árin 1872 og 1875.
Það er því vel viðeigandi að taka þetta efni til meðferðar á þessu
lögfræðingaþingi, og er það í samræmi við breytt álit þjóðfélagsins
á hlutverkaskiptingu kynjanna, ekki aðeins innan sifjaréttarins held-
ur á öllum sviðum þjóðfélagsins.
Nafn þessa erindis gefur e.t.v. ranga hugmynd um það, sem fjallað
verður um, því að það er staðreynd, að öll Norðurlöndin hafa þegai'
lögfest ákvæði um jafnrétti kynjanna, en í mismunandi ríkum mæli.
Réttara heiti á erindinu væri því: I hve ríkum mæli á að lögfesta
ákvæði um jafnrétti kynjanna?
Island varð fyrst Norðurlandanna til að setja almenna jafnréttis-
löggjöf árið 1976 (lög nr. 78/1976). Hér á landi virtist lagasetning
vera eðlilegur þáttur í þeirri þróun, sem átt hafði sér stað í jafnréttis-
málum undanfarna áratugi.
II. ALÞJÓÐLEG OG NORRÆN SAMVINNA
Þótt konur og karlar búi við sama lagalegan rétt á Norðurlöndum
þá skortir í raun mikið á, að jafnrétti kynjanna ríki á ýmsum sviðum.
Þjóðfélagið byggir enn á hefðbundinni hlutverkaskiptingu kynjanna.
Þessi hlutverkaskipting sem byggt er á við uppeldi, kennslu og raunar
109