Tímarit lögfræðinga - 01.11.1996, Síða 87

félagsmenn. Auk þess annast framkvæmdastjóri útgáfu fréttabréfs félagsins
sem gefið er út nokkrum sinnum á ári.
Framkvæmdastjóraskipti hafa verið tíð hjá félaginu á síðustu árum og urðu
enn á starfsárinu. Helga Jónsdóttir lögfræðingur tók við starfi framkvæmda-
stjóra 1. desember 1993 og lét af störfum í árslok 1994. Stjórn félagsins þakkar
Helgu góð störf í þágu félagsins og óskar henni velfarnaðar á nýjum vettvangi.
Stjórnin réð Brynhildi Flóvenz lögfræðing til framkvæmdastjórastarfa.
Brynhildur hóf störf í byrjun þessa árs og annast þau verkefni sem stjóm felur
henni fyrir félagið og Tímarit lögfræðinga. Stjórn félagsins þakkar Brynhildi
góð störf í þágu félagsins og vonast til þess að félagið fái að njóta starfskrafta
hennar enn um sinn.
5. Tímarit lögfræðinga
Tímarit lögfræðinga kemur út reglulega fjórum sinnum á ári. Frá árinu 1994
hefur ritstjórn þess verið í öruggum höndum Friðgeirs Björnssonar dómstjóra.
Stjórn félagsins þakkar Friðgeiri vel unnin störf í þágu tímaritsins og væntir
góðs af áframhaldandi samstarfi enda hefur Friðgeir fallist á að halda áfram
ritstjórn þess a.m.k. næsta ár.
Fjárhagur tímaritsins stendur traustum fótum. Fyrir nokkrum árum var tekin
upp sú nýbreytni að greiða ritlaun fyrir fræðigreinar sem birtast í ritinu. Hefur
það fyrirkomulag gefist vel og voru á starfsárinu að tillögu ritstjóra gerðar
nokkrar breytingar á þeim reglum sem um þessar greiðslur gilda.
A næstu vikum mun væntanlega ljúka ljósprentun eldri árganga tímaritsins
sem nú eru orðnir ófáanlegir. Er þess því að vænta að innan tíðar muni
félagsmönnum boðið að festa kaup á þessum ljósprentuðu árgöngum. Vegna
þessarar ljósprentunar eldri árganga þurfti að finna birgðum tímaritsins nýtt
geymsluhúsnæði þar sem geymsluhúsnæðið sem það hafði haft aðgang að hjá
Lögmannafélagi Islands varð of lítið. Geymsluhúsnæði fékkst hjá Héraðsdómi
Reykjavíkur og hefur framkvæmdastjóri tímaritsins fest kaup á hillum til að
sem best fari um birgðirnar auk þess sem þær hafa verið vátryggðar.
Af hálfu stjórnar hefur Kristín Briem haft með höndum framkvæmdastjórn
Tímarits lögfræðinga og sinnt því af mikilli samviskusemi. Á henni hefur mætt
óvenjumikið starf á þessu starfsári, m.a. vegna ljósprentunar og flutnings á
birgðum.
6. Lögfræðingatal
Lögfræðingatal 1736-1992 kom út haustið 1993 á vegum bókaútgáfunnar
Iðunnar. í ritnefnd eru Garðar Gíslason hæstaréttardómari, formaður, Dögg
Pálsdóttir skrifstofustjóri og Skúli Guðmundsson skrifstofustjóri. Ritstjóri
talsins var ráðinn Gunnlaugur Haraldsson. Lögfræðingafélag Islands keypti á
sínum tíma höfundarétt að Lögfræðingatölum Agnars Kl. Jónssonar til að unnt
yrði að ráðast í útgáfu nýs heildartals lögfræðinga.
237