Morgunn - 01.12.1953, Blaðsíða 60

138
MORGUNN
hluta, og af þeim sökum lét ég eina stúlkuna mína fara,
án þess að minnast á það við nokkurn, af hverju ég gerði
það.) Hvað olli dauða þínum og hvað heitirðu? spurði ég.
,,Ég heiti Susie,“ heyrði ég hana segja, en um tilefni dauða
síns vildi hún ekki segja neitt. Hafði hún framið sjálfs-
morð, eða var barnsmorð í einhverju sambandi við þetta
eða hvorttveggja, hugsaði ég með sjálfri mér, en upphátt
sagði ég: Orsakaði einhver hjartasjúkdómur dauða þinn,
mér virðist þú svo föl. ,,Já,“ svaraði hún eldsnöggt. Hvað
er mér unnt að gera til þess að losna við hana úr húsinu,
hvernig get ég fengið hana til að fara héðan, var ég að
velta fyrir mér. Ákveðinni hugsun virtist þrýst inn í huga
minn og ég sagði: Ef þér hefur tekizt að koma öðrum til
að stela, er þér þá ekki líka hægt að hjálpa einhverjum
til að falla ekki fyrir þeirri freistingu. Slík viðleitni myndi
færa þér hamingju og sálarfrið og losa af þér þá fjötra,
sem tengja þig við þetta hús, þar sem þú varst svo óham-
ingjusöm og ert svo vansæl nú. Viltu ekki reyna að leita
uppi einhverja aðra stúlku, sem líkleg er til að láta undan
svipaðri freistingu og stúlkan mín og hjálpa henni til að
sigrast á slíkri freistingu. Hún virtist íhuga það, sem ég
hafði sagt, og sýnin hvarf.
Eftir þetta bar ekki á neinum reimleikum í húsinu, ég
fann nú ekki lengur til neinna óþæginda. Ég reyndi að afla
mér upplýsinga um fólkið, sem áður hefði búið í þessu
húsi. Ég komst að raun um að íbúendaskipti höfðu verið
tíð í húsi þessu, og að það hefði gengið kaupum og sölum.
Meðal annars fékk ég að vita að franskur rithöfundur
hafði einu sinni búið í því. Þessi maður hafði gert eigin-
konu sína mjög óhamingjusama með svalli sínu og ólifn-
aði. Var þessi Susie ef til vill ein af þeim, sem hann vélaði?
Mér var ekki unnt að komast að því sanna. Ég vík þá að
framhaldi sögu minnar eða á ég fremur að nefna það
næsta þátt? Dag einn heimsótti mig kona, sem nýlega var
farin að starfa að þjálfun miðla á vegum London Spiri-
tualist Alliance, erindi hennar var m. a. að spyrja mig um,