Morgunn - 01.06.1952, Blaðsíða 41
MORGUNN
35
danarsonar og þær skelfingar, sem þar er lýst. Stína lítur
þá á mig alvarleg og segir: „Þetta er bara vitleysa. Hér
líður öllum vel eftir að þeir hafa áttað sig á umskiptunum,
en sumir eru lengi að átta sig.“ Ég andmælti þessu, en þá
riðaði allt undir fótum mér og eins og andartaki síðar var
ég að ganga inn í íbúð mína og Kristín með mér. Mér
fannst ég opna allar hurðir og láta þær aftur á eftir mér,
þar til ég kom inn í svefnherbergið, þar sem konan mín
svaf með börnin og ég lá sjálfur sofandi í rúmi mínu, en
stóð þó þarna á gólfinu. Ég gekk rakleitt að rúminu, sett-
ist fyrir framan sjálfan mig sofandi, lagði vinstri hönd
mína á hægri vangann, en hélt með hægri hendinni í hönd
Stínu. Bjart var þarna inni.
Mér fannst Ijósið einkar þægilegt og leið mér vel. Ég
vissi, að Stína var að fara og þakkaði ég henni með mörg-
um hjartnæmum orðum. Ég lofaði Guð hátt, að mér
fannst, en þá var eins og ég kipptist við, ég vakna í líkam-
anum í rúmi mínu, og var þá svarta myrkur.
Ég sagði Páli drauminn daginn eftir og hlustaði hann
á mig með alúð. Þegar ég lýsti bænum og umhverfi hans,
sagði hann allt rétt vera, svona hefði bærinn litið út fyrir
þrjátíu árum, þegar Stína fæddist þar, en fyrir tuttugu
árum hefði sá bær verið rifinn og timburhús byggt, sem
þar stæði nú.
Ég hafði aldrei komið á þær slóðir.
Drauma þessa fékk Einar Loftsson hjá draumamanninum,
Pétri, og sendi MORGNI þá. Má vera, að síðar komi i
Morgni fleiri draumar eftir sama mann.