19. júní - 19.06.1989, Page 68

Reykjavík, og var Árni Kristjánsson píanóleikari aðal-
kennari hennar þar.
Jórunn lauk burtfararprófi frá Tónlistarskólanum ár-
ið 1936 og ári síðar stúdentsprófi frá Menntaskólanum í
Reykjavík. Þá hélt hún til framhaldsnáms við Tónlistar-
háskólann í Berlín og var þar næstu tvö árin eða þar til
heimsstyrjöldin skall á. Þá kom hún heim, og árið 1940
giftist hún skólabróður sínum úr Menntaskólanum, Lár-
usi Fjeldsted, sem nú er látinn fyrir nokkrum árum.
Börn þeirra urðu þrjú.
Jórunn Viðar fór til Bandaríkjanna árið 1943 þar sem
hún stundaði nám í píanóleik og tónsmíðum við Juilliard
Tónlistarháskólann í New York til ársins 1943.
Allt frá því er Jórunn Viðar kom heim til íslands í
Kvennaheimilið
Hallveigarsíaðir
Ttingötu 14, Reykjavík
Höfum til leigu
160 fermetra sal fyrir fundi,
veislur, fermingar, erfiveitingar, o.fl.
Ennfremur
er til leigu 70 fermetra salur.
Upplýsingar hjá húsverði í
síma 13785
kl. 13.00 til 15.00 alla virka daga.
stríðslok, hefur hún verið ein af frumkvöðlum í íslensku
tónlistarlífi, og hún hefur rutt nýjar brautir. Jórunn er
fyrsta íslenska kventónskáldið, sem kveður að, og Iengi
vel var hún eina konan í Tónskáldafélaginu.
Eftir Jórunni Viðar liggur mikill fjöldi tónverka. Hún
samdi balletttónlist Eldurinn og Ólafur Liljurós, m.a. í
tilefni af opnun Þjóðleikhússins á sínum tíma, einnig
tónlist við kvikmyndina Síðasti bærinn í dalnum. Þá
hefur Jórunn samið mörg píanóverk, kammerverk fyrir
ýmis hljóðfæri að ógleymdum konsert fyrir píanó og
hljómsveit, sem hún frumflutti sjálf með Sinfóníuhljóm-
sveit íslands fyrir nokkrum árum.
Jórunn Viðar hefur ætíð lagt rækt við samningu söng-
verka, og eru þau rík að margbreytileika. Þar er að finna
kórverk, einsöngslög, þulur og þjóðlagaútsetningar.
Texta hefur hún sótt til góðskálda á fyrri tíð, og löngum
hefur hún verið fundvís á ljóðperlur samtímaskálda, sem
oft og einatt voru umdeild. Þar hefur ratvísi Jórunnar
verið einstök. íslenskum þulum ogþjóðvísum hefur hún
gefið nýtt líf, og sönglög hennar hafa notið mikilla vin-
sælda. Þau eru breytileg að gerð, en falla ævinlega með
svo eindregnum hætti að anda og inntaki þeirra ljóða,
sem voru kveikjan að þeim.
Svo sem vænta má af píanóleikaranum Jórunni Viðar
gegnir píanóið veglegu hlutverki í sönglögum hennar.
Síðustu tólf árin hefur Jórunn kennt við Söngskólann í
Reykjavík, og hafa þar margir söngvarar og söngvara-
efni notið góðs af leiðsögn hennar, atorku, ósérhlífni og
listfengi.
19. júní árnar þeim Jakobínu Sigurðardóttur og Jór-
unni Viðar allra heilla á komandi tíð, biður þær vel að
lifa og lengi.
Teppaland — Dúkaland
Grensásvegi 13,108 Reykjavík
68