Frjáls verslun - 01.01.2001, Blaðsíða 8

Starfsfólk nb.is talið frá vinstri: Tryggvi Guðbrandsson, Matthildur Halldórsdóttir, Geir Þórðarson, Snorri Valberg, Jón Árni Ólafsson, Stefán
Þórðarson, Þórný Pétursdóttir, Sigríður Harpa Hannesdóttir, Kristín María Stefánsdóttir.
Netbankinn veitir alla almenna bankaþjónustu og býður betri vaxtakjör en gömlu bankarnir:
Hagstæðari lqör
Netbankinn er eini bankinn á íslandi sem býður upp á
alla almenna bankaþjónustu eingöngu á Netinu ásamt
því að bjóða mun hagstæðari vexti en aðrir bankar.
Nb.is býður m.a. upp á debetkort, kreditkort, innlánsreikninga,
greiðsluþjónustu og útlán og hefur í boði alla hefðbundna
bankaþjónustu sem einstaklingar þurfa á að halda. Viðskipta-
vinir nb.is geta sent erindi til bankans hvenær sólarhringsins
sem er og rætt við þjónustufulltrúa í síma milli 8 á morgnana
til 19 á kvöldin.
Netbankinn hefur verið starfræktur í
u.þ.b. eitt og hálft ár og er hann rekinn sem
sjálfstæð rekstrareining innan SPRON. Eins
og nafnið gefur til kynna er bankinn ein-
göngu starfsræktur á Netinu, og útibúin því
engin, en þjónustufulltrúar eru til viðtals alla
virka daga í þjónustuveri milli 8-19. Starf-
menn nb.is eru tíu, þjónustufulltrúarnir sjö
og aðrir starfsmenn eru þrír. Samkvæmt
þjónustukönnun, sem var unnin á meðal við-
skiptavina nb.is, eru þeir mjög ánægðir með
þjónustuna og aðgengi að henni.
„Geta má þess að ágætis samþand hefur
myndast á milli starfsfólks nb.is og viðskipta-
vina þrátt fyrir þær samskiptaleiðir sem farnar
eru. Þegar við fórum af stað með nb.is vorum
við smeyk um að samskiptin væru ekki nægi-
8
lega góð milli viðskiptavina og starfsmanna ef boðið væri upp á þjón-
ustu aðeins á Netinu. En reynslan hefur leitt í Ijós að við þurfum ekki
að hafa áhyggjur af þessu," segir Geir Þórðarson, forstöðumaður
nb.is.
Lægri yfirdráttarvextir og
hærri innlánsvextir
„Viðskipti fólks á Internetinu hafa aukist jafnt
og þétt síðustu tvö árin. Þegar Netbankinn var
stofnaður höfðu gömlu bankarnir rekið svo-
kallaða heimabanka í mörg ár og boðið fólki
að sinna þar bankaviðskiptum sínum, skoða
yfirlit og gera færslur. Þó að þessir einstak-
lingar spöruðu bönkunum mikla peninga með
því að sinna sjálfir sínum bankaviðskiptum á
Netinu þá skilaði það sér ekki til þeirra i betri
vaxtakjörum. Við töldum því tímabært að
stofna og starfrækja sérstakan banka, sem
eingöngu yrði starfræktur á Internetinu. Slík
starfsemi hefur mikið hagræði í för með sér
og heldur rekstrarkostnaði mjög niðri. Þaraf
leiðandi getum við boðið mun betri vaxta-
kjör en gömlu bankarnir," segir hann.
Geir bendir á að það sem helst aðgreini
nb.is frá gömlu bönkunum séu vaxtakjörin.