Frjáls verslun - 01.03.2003, Blaðsíða 65

Stundum mikið álag
w
Eg hef með mér mikið af góðu fólki sem ég treysti, það
skiptir miklu máli,“ segir Jakobína E. Sigurðardóttir,
framkvæmdastjóri Mónu. „Því hef ég átt fremur gott með að
skilja vinnuna eftir í vinnunni þegar ég fer heim og hef ekki
miklar áhyggjur af henni hvað það snertir. Hitt er annað að
auðvitað koma tímabil þar sem álagið er mikið og erfitt er
að losna úr vinnunni. Þá virðist mér stundum eins og
ekkert vinnist fyrr en ég er orðin ein og vinn þá stundum
lengi fram eftir. Mér finnst gott að nota líkamlega áreynslu
til að losna undan þreytu og streitu. I fríum vil ég byggja mig
upp og stunda þá göngu-, hjóla-, eða skíðaferðir með fjöl-
Úr hjólaferð í Danmörku fyrir nokkrum árum. Jakobína er
önnur frá hægri.
skyldunni. Þess á milli fer ég gjarnan i sund. Þá syndi ég
mína 300 metra eða svo, leggst í pottinn um stund og kem
endurnærð heim. Það er líklega sú leið sem mér hentar
best.“ S!i
Mér þykir afskaplega gott að fara í sund og hef farið
reglulega á hveijum degi stundum, í sund og þá með
krökkunum mínum að spjalla við þau og leika mér með
þeim,“ segir Þórunn Reynisdóttir, framkvæmdastjóri Avis á
Islandi. „Eg hef verið fastagestur í sundi á kvöldin og finnst
það sérstaklega gott eftir vinnu. Eg syndi ekkert en nýt
þess að slappa af í heitu vatni og fersku lofti. Svo tók ég upp
á þvi fyrir nokkru að fara í leikfimi og fékk mér einka-
þjálfara þannig að ég væri viss með að þurfa að mæta reglu-
lega. Þetta hefur gengið vel og ég verið að mestu leyti úti
við í þjálfun. Mér finnst það afskaplega gott þvi að ég er að
miklu leyti inni við í starfi mínu.“
Þetta er ekki hið eina sem Þórunn gerir til að vinda ofan
af sér því hún segist hka eiga golf að áhugamáli og nota það
sem afslöppun og skemmtun og reyna að komast eins oft
og hægt er til að spila. „Eg spila bæði með ijölskyldunni og
vinum mínum, hvort heldur sem er hér heima eða
erlendis," segir hún. „En eitt er það sem ekki má gleyma
þegar rætt er um afslöppun en það er sumarbústaðurinn.
Foreldrar mínir eiga bústað sem er einn besti staður sem
ég veit um til að slaka á í. Þar „skipti ég um húsaloft", eins
og einn vinur minn kallar það svo faglega." SH
Kolbeinn og Ruth eiginkona hans í Mývatnssveitinni.
Best heima
Mínar bestu stundir til að slaka á og hvíla mig eru með
eiginkonunni heima í rólegheitunum," segir Kol-
beinn Kristjánsson, framkvæmdastjóri Myllunnar. „Til
þess að hlaða batteriin förum við í göngutúra, sund, golf
eða líkamsrækt. Iþróttir hafa átt stóran hluta i mínu lífi og
ég hef mikla þörf fyrir að fá útrás i þeim. Nú er ég kominn
yfir í rólegri hlutann, þ.e. golf, bridge og stundum tennis,
en ákafinn og keppnisskapið er enn til staðar og vonandi
eldist það ekki af mér. Auðvitað koma þær stundir sem
maður er með vinnuna heima, en þær eru sem betur fer
færri en hinar.“S!l
Þórunn Reynisdóttir framkvæmdastjóri: „Ég hef verið
fastagestur í sundi á kvöldin."
Skipt um húsaloft
65