Frjáls verslun - 01.11.2004, Blaðsíða 105

KVIKMYNDIR
Hvernig er
aðsóknin?
í Heimsmetabók Guinness eiga íslendingar
tvö heimsmet. Annað þeirra er elsta þing í
heimi og hitt er að við förum allra þjóða mest
í bíó. Góð meðalaðsókn á íslenskar kvik-
myndir nægir samt ekki hjá fámenmi þjóð.
Textí: Hilmar Karlsson Myndir: Ýmsir
Þessi mikli áhugi íslendinga á kvikmyndum nægir samt
ekki til þess að gera íslenskan kvikmyndaiðnað arð-
bæran, til þess er þjóðin of fámenn og kostnaðurinn við
gerð kvikmynda of mikill miðað við aðsóknina. Undantekn-
ingar eru að sjálfsögðu til. Mest sótta íslenska kvikmyndin,
Með allt á hreinu, frá árinu 1982, náði vel yfir 100 þúsund
áhorfendum og það er aðeins vinsælasta kvikmynd allra tíma,
Titanic, sem hefur náð meiri aðsókn hér á landi frá því að
íslenskar kvikmyndir hófu innreið sína af alvöru árið 1980.
ísland hefur alltaf verið mikil bíóþjóð og það kemur
ekki á óvart að við skulum eiga heimsmet í aðsókn miðað
við íbúaijölda. Samt er það svo að aðsókn í kvikmyndahús
hefur minnkað töluvert á síðustu árum, sérstaklega á lands-
byggðinni. Fyrstu tölur um bíóaðsókn eru frá 1928, þá sóttu
260 þúsund manns kvikmyndasýningar í Reykjavík. íbúatala
þjóðarinnar var eitthvað um 120 þúsund á þessum tíma.
Tölurnar fara síðan stighækkandi og hækka mikið í seinni
heimsstyrjöldinni og er ástæðan hernámsliðin. Má geta þess
að sami fjöldi fer í bíó árið 1943 á höfuðborgarsvæðinu og
gerir árið 2003. Tölur um aðsókn á landsbyggðinni koma
fyrst fram árið 1965.
105