Morgunn - 01.12.1963, Síða 68

142
MORGUNN
með margvíslegum hætti og menn gefa þér margvísleg
nöfn.... Vertu oss náðugur og leyf oss að líta ásjónu
þína.... Þá týnast sverðin,, hatur og vonzka hjaðna, og
þá komast allir að raun um, að til er aðeins ein trú í
fjölbreytilegum myndum trúarbragðanna.“
Þúsundum ára fyrr var skráð í Rigveda, indverska
helgiritinu, sem kallað hefir verið elzta biblía mann-
kyns: „Einn Guð aðeins er til, en sjáendurnir boða hann
með margvíslegu móti.“ — (Friedrich Heiler þýddi úr
frummálinu.)
♦
Til eru teikn á lofti, sem gefa vonir um, að bæði
innan kristninnar og meðal ekki-kristinna manna séu
nú uppi ágætir menn, sem gjöri jákvætt samstarf milli
trúarbragðanna að veruleika.
Það eru liðin meira en 40 ár síðan hinn heimsfrægi
guðfræðingur og trúarbragðasögufræðingur Rudolf Otto
kom fram með hugmyndina um samstarf milli trúar-
bragða heims á vegum hinna beztu manna þeirra.
Rudolf Otto hafði næman skilning á hinu innra sam-
ræmi í hinum marglita heimi trúarbragðanna. Hann
greindi á milli hins „rationella" k.jarna þeirra og hinna
rationellu forma, sem vér klæðum þau í. Og honum var
það ljóst, að undir yfirborði hinna ýmsu trúarbragða
leynist magn trúarlegrar og siðrænnar lífsreynslu, sem
er allsherjararfur, sameign mannkynsins alls, hvað sem
líður þeim ytra búnaði, sem menn klæða trúarbrögðin í.
Sérstaka undrun hans vakti það að komast að raun
um hina merkilegu samhljóðun allra æðri trúarbragða,
um gildi einstaklingsins og samábyrgð mannkyns alls.
Þá sannfæringu fann hann búa í öllum meginatriðum, að
trúin á ekki aðeins að boða einstaklingssiðgæði, heldur
allsherjarsiðgæði. Og þá fann hann sig standa andspænis
risavöxnu verkefni: Er ekki hægt, spurði hann, að koma
á samstarfi trúarbragðanna, þar sem fulltrúar þeirra