Morgunn - 01.12.1969, Side 79

Nýjar bækur
'M'
Nú líður óðum að þeim tíma, að jólabækurnar taka að
streyma á markaðinn. Vonandi kennir þar margra grasa,
misjafnra að vísu, ef að líkum lætur, en hitt skal þó ekki í
efa dregið, að þar muni einnig finnast lífgrös, sem reynast
muni sálinni holl og hressandi fæða. Ekki veitir okkur af
slíku í skammdeginu.
Af bókum, sem fjalla um dulræn fyrirbæri og spíritisma,
er mér aðeins kunnugt um tvær, sem í vændum eru fyrir
jólin, en vel má vera að þær séu fleiri, þó enn sé mér ekki
um það kunnugt.
önnur þeirra mun nefnast Hinum megin grafar. og er
eftir James Pike, er um skeið var biskup í San Francisco í
Bandarikjunum. Hann lézt í september síðast liðnum, er
hann var á ferðalagi í Landinu helga, ásamt konu sinni.
Varð hann fyrir slysi í Júdeueyðimörkinni og örmagnaðist
þar af þreytu og þorsta, á meðan kona hans var á leið til
byggða að leita honum hjálpar.
Þessi bók hins mikla lærdómsmanns og rithöfundar hefur
vakið mikla athygli og margt verið um hana rætt og ritað í
erlend blöð og tímarit. I bókinni lýsir biskupinn á hreinskil-
inn hátt þeirri dapurlegu staðreynd, er sonur hans gerðist
eiturlyfjaneytandi, sem leiddi til þess, að hann svipti sig lífi.
Síðan segir frá því, hvernig þessi sonur hans gerði vart við
sig með furðulegum hætti á heimili biskupsins og hversu
biskupinn smátt og smátt sannfærðist um framhaldslífið.
Bókina þýddi séra Sveinn Víkingur.
Hin bókin, sem væntanleg er um þessi málefni er skrifuð
af Ruth Montgomery, sem fyrir skömmu ritaði bók um hina
forspáu og framsýnu Jeane Dixon, sem einnig hefur komið
út í íslenzkri þýðingu. Hersteinn Pálsson þýðir þessa bók.