Morgunn - 01.12.1996, Qupperneq 66

Guðjón Baldvinsson:
Eru kraftaverk
kraftaverk?
Við horfum út í hið óræða. Tómið, eins og það er
stundum kallað. En tómið er bara orð. Fyrirbærið tóm
er ekki til. Allsstaðar er ótakmarkaður kraftur, jafnvel
svo mikill að hann getur skapað þrýsting. Líf og til-
vera okkar sjálfra byggist á krafti. Lífskrafti.
Einhvern tíma var sagt að vísindamenn byggju yfir
það mikilli efnafræðilegri þekkingu í dag, að þeir
treystu sér til þess að búa til eitt stykki mann. Það
væri út af fyrir sig ekki óyfirstíganlegt verkefni.
Nema að einu leyti þó, og ekki því lítilvægasta.
Lífsanda gætu þeir ekki blásið í þennan heimatilbúna
líkama sinn.
Hvað segir þetta okkur? )ú, það staðfestir fyrir
okkur það, að efnislíkami okkar hér á jörð, er hreint
og klárt starfstæki viðkomandi mannsanda, eða sálar.
Starfstæki, sem okkur ber að viðhalda og fara vel
með svo sem kostur er, ekki síður en önnur efnisleg
áhöld og tæki, sem við nostrum oft meira við og
verndum en mikilvægasta tæki okkar, líkamann.
Kraftur og orka er undirstaða alls. Tölum við ekki
einmitt um „kraftaverk.“ Hvað er það? )ú, nákvæm-
64 MORGUNN