Morgunblaðið - 18.12.2009, Qupperneq 50

MORGUNBLAÐIÐ FÖSTUDAGUR 18. DESEMBER 2009
Undir lok fallegrar ljós-myndabókar KristjánsInga Einarssonar, Kjarna
Íslands er vitnað í Pétur Gunn-
arsson rithöfund: „Náttúran er við
sjálf – þess vegna finnst okkur að
við séum komin heim um leið og við
erum komin út undir bert loft og lít-
um gróður og steina og heyrum í
fugli.“
Þessi afhjúpandi staðhæfing Pét-
urs, að náttúran sé við sjálf, eins og
staðfesti hugleiðingarnar sem
vöknuðu við að fletta og lesa bók
Kristjáns Inga – lesa myndir og
texta. Þessar myndir af svörtum
söndum, ókleifum fuglabjörgum,
jökulkollum sem rísa yfir landinu,
agnarsmáum og veðruðum bónda-
bæjum sem kúra í skjóli hárra
fjalla, eru í raun myndir af okkur
Íslendingum. Sjálfsmynd okkar er
svo bundin þessu landi, þessari
náttúru – náttúran er við sjálf.
  
Við ferðumst með ljósmynd-aranum um byggðir og
óbyggðir landsins; hann gefur til-
finningu fyrir að þetta sé kjarni
þessa lands. Í Jökuldölum kvíslast
ár um eyrar, við Hvítserk standa á
fjöru agnarsmáir menn við blátt
haf, uppljómuð vindaský bunka sig
yfir Esju og Kollafirði og í mynni
eyðidals með fallegt nafn, Fífu-
staðadal í Arnarfirði, er þessi við-
kvæmnislega litla skeljasandsfjara.
Eyðilegar myndir en fallegar, við-
komustaðir í stóru en fámennu
landi sem ljósmyndarinn hyllir í
verki sínu.
  
Sá sem leggst í þetta verk les líkaljóðbrot, textahugleiðingar eft-
ir rithöfundinn og jarðvísinda-
manninn Ara Trausta Guðmunds-
son, sem birtast á flestum opnum
bókarinnar. Það er merkilegt
hvernig honum auðnast að styrkja
tilfinningarnar sem kvikna við að
skoða myndirnar, undirbyggir
myndheiminn um leið og hann bæt-
ir við hugmyndum og andagift. Í
mynd sem tekin er inn ísgang í Sól-
heimajökli, sem minnir helst á rifja-
hylki fornaldarskepnu, skrifar Ari
Trausti: „Tímaritaðar misgráar
rúnir / margbrotin meitilför ár-
anna / fá þig / til að skima eftir
svari.“
Og við eina af fallegustu mynd-
um bókarinnar, af bænum Heiði við
Gimbraklett í Skagafirði sem ljós-
geisli dregur út úr rökkri, skrifar
Ari Trausti: „Myrkrið / skuggarnir
/ fylgja ljósinu / þar // eins og í lif-
andi lífi.“
  
Myndir Kristjáns Inga eru oftlátlausar í tærleika sínum, og
vinna á. Þessi bók er ekki flug-
eldasýning heldur djúphugul hyll-
ing á náttúru landsins, á „Kjarn-
anum“. Sumar ljósmyndanna missa
marks eins og vill gerast í úrvali á
borð við þetta, þær verða fyrir-
sjáanlegar, og nokkrar eru ekki
nægilega skarpar og það er miður.
Hinar eru þó miklu fleiri sem gott
er að staldra við og njóta. Hún er
þannig glæsileg stemningin frá
Álftavatni, þar sem dalalæða birtist
í sumarnóttinni, og eins myndin af
Hvannadalshrygg, sem skýin
steypa sér yfir. Þá skrifar skáldið:
Leiðin á hæsta tind
hulin að mestu
Hvort skal hopa eða halda áfram?
Sá sem hikar er efins
sá sem heldur áfram er hugsi
Hvorum skal treysta?
efi@mbl.is
Náttúran
er við sjálf
» Þessar myndir afveðruðum bóndabæj-
um sem kúra í skjóli
hárra fjalla eru í raun
myndir af okkur
Íslendingum.
AF LISTUM
Einar Falur Ingólfsson Ljósmynd/Kristján Ingi Einarsson
Sólheimajökull Ari Trausti skrifar hér um „margbrotin meitilför áranna“.
Sími 462 3500
Þú færð 5 %
endurgreitt
í Borgarbíó
Sími 551 9000 Þú færð 5 %
e n d u r g r e i t t
í Regnboganum
Avatar 2D kl. 5 - 6:45 - 8:30 - 10:10 B.i.10 ára
Saw 6 kl. 8 - 10 B.i.16 ára
Bad Lieutenant kl. 5:30 - 10:30 B.i.16 ára
Julie and Julia kl. 5:20 - 8 LEYFÐ
Avatar kl. 6 - 8 - 10 (Kraftsýning) B.i. 10 ára
9 kl. 6 B.i.10 ára
SÝND Í REGNBOGANUM SÝND Í HÁSKÓLABÍÓISÝND Í SMÁRABÍÓI
HHHH
„Ein magnaðasta
mynd ársins”
S.V. - MBL
HHHH
Roger Ebert -
Chicago Sun-Times
HHHH
„Þrekvirki!”
- HS, Mbl
ÍSLENSKT TAL
JÓLAMYNDIN 2009
BIÐIN ER Á ENDA!
Nýr kafli í kvikmyndasögunni hefst í kvöld! Missið ekki af þessari
byltingarkenndu stórmynd frá James Cameron leikstjóra Titanic.
TILNEFNINGAR
TIL GO LDEN GL OBE VERÐLAUNA
BESTA MYND - BESTI LEIKSTJÓRI - BESTA TÓNLIST - BESTA LAG
BÍÓUPPLIFUN ALDARINNAR!
SÝND Í SMÁRABÍÓI
SÝND Í SMÁRABÍÓI, HÁSKÓLABÍÓI, REGNBOGANUM OG BORGARBÍÓI
Avatar 3D kl. 6 - 9:20 B.i.10 ára
Avatar 2D kl. 6 - 9:20 B.i.10 ára
Anvil kl. 6 B.i.7 ára
Whatever Works kl. 5:50 - 8 B.i.7 ára
A Serious Man kl. 10:10 B.i.12 ára
Desember kl. 8 - 10 B.i.10 ára
Þú færð 5% endurgreitt í Borgarbíói, Smárabíói og Regnboganum og Háskólabíói ef þú borgar bíómiðann m
Þú færð 5%
endurgreitt
í Háskólabíó