Morgunblaðið - 27.11.2010, Side 88

Jólablað Morgunblaðsins 2010 75
B
ók er nefnd Út í birtuna – hugvekjur
í máli og myndum, og er eftir þær
Arnfríði Guðmundsdóttur
guðfræðiprófessor og listakonuna
Æju. Í bókinni leggur Arnfríður út af
völdum textum úr Biblíunni í þeim tilgangi
að gera þá aðgengilegri lesandanum.
Hugleiðingar hennar eru stuttar og
hnitmiðaðar og öðlast nýja vídd með mynd-
um Æju.
Bókin er afar eiguleg, fallegar myndir
styðja textann sem inniheldur meðal annars
jákvæðan boðskap sem nýtist öllum.
Hér má sjá brot úr bókinni, textabrot úr
Biblíunni og hugvekju Arnfríðar:
En það bar til um þessar mundir að boð
kom frá Ágústusi keisara, að skrásetja skyldi
alla heimsbyggðina. Þetta var fyrsta skrásetn-
ingin og var gerð þá er Kýreníus var landstjóri á
Sýrlandi. Fóru þá allir til að láta skrásetja sig,
hver til sinnar borgar.
Þá fór og Jósef úr Galíleu frá borginni Nas-
aret upp til Júdeu, til borgar Davíðs, sem heitir
Betlehem, en hann var af ætt og kyni Davíðs,
að láta skrásetja sig ásamt Maríu heitkonu
sinni sem var þunguð. En meðan þau voru þar
kom sá tími er hún skyldi verða léttari. Fæddi
hún þá son sinn frumgetinn, vafði hann reifum
og lagði hann í jötu af því að eigi var rúm fyrir
þau í gistihúsi. (Lúk 2.1-7)
Við þekkjum þessa sögu vel, sjálft jóla-
guðspjallið. Öðru máli gegnir hvort við höfum
gefið okkur tíma til að staldra við og íhuga
merkingu og boðskap sögunnar um fæðingu
litla Jesúbarnsins í jötu.
Það er í raun svo margt í jólasögunni sem
vekur spurningar. Hvernig gat María farið alla
þessa leið, svona á sig komin? Hvers vegna í
fjárhúsi? Hvers vegna var enginn tilbúinn til
að skjóta skjólshúsi yfir konu sem komin var
að því að fæða? Er það annnars ekki skrýtið að
hugsa sér fæðingu frelsarans innan um jórtr-
andi húsdýrin?
Samkvæmt jólaguðspjallinu var það ein-
mitt svona sem Guð valdi að koma til okkar. Í
fátækt og umkomuleysi en ekki í mætti og
dýrð. Í myrkri um miðja nótt. Og þannig
kemur Guð til okkar á hverjum jólum. Boð-
skapurinn um fæðingu frelsarans hljómar á
meðal okkar á myrkasta tíma ársins. Umvaf-
in myrkri tökum við undir lofsöng englanna.
Töfrar jólanna taka völdin þegar Guð breytir
myrkri í ljós, hreysi í höll, jötu í hásæti.
Þessir töfrar taka völdin í lífi okkar þegar
birta jólastjörnunnar lýsir upp tilveruna,
þegar við meðtökum undrið þó við skiljum
það ekki og tökum af heilu hjarta undir með
þeim sem fagna vegna þess að Guð er á með-
al okkar.
birta@mbl.is
Út í birtuna
Lagt er út af völdum textum úr Biblíunni í texta og myndum í nýrri bók
eftir þær Arnfríði Guðmundsdóttur og Æju – Þóreyju Magnúsdóttur.
Það getur verið vandasamt að
skreyta jólabaksturinn fallega.
Finna má í betri verslunum alls
kyns hjálpartæki, spaða og brúsa
sem eiga að gera skreytingarnar
auðveldari en skreytingarstarfið er
samt alltaf flókið og krefst mikillar
þjálfunar og natni ef útkoman á að
vera góð.
Kökuskreytingarpenninn (e.
frosting decorating pen) frá Kuhn
Rikon kann að breyta þessu.
Hér er á ferð lítill vöndur sem
knúinn er áfram af tveimur raf-
hlöðum. Brúsum með kremi, sósu
eða sultu er komið fyrir í tækinu og
síðan einfaldlega þrýst létt á hnapp
til að innihaldið streymi fram. Þeg-
ar hnappnum er lyft fer mótorinn
hins vegar í bakkgír og dregur fyll-
inguna aftur inn, sem auðveldar
skreytingameistaranum að stoppa í
miðri línu.
Með skreytipennanum fylgja sex
mismunandi sprautuhausar, s.s.
flatur haus, kringlóttur og stjörnu-
laga, en einnig mjór og langur sem
hentar til að fylla t.d. kleinuhringi.
Galdravöndurinn er til sölu í
fjölda verslana á netinu og kostar
víðast hvar á bilinu 20 til 30 Banda-
ríkjadali.
ai@mbl.is
Sætt Það munar um að geta dúllað
við baksturinn.
Galdra-
vöndur
fyrir köku-
skreyting-
arnar