Vera - 01.04.2002, Side 24

rosalega flegin. Ég meina, tískan er meira orðin svona
kynæsandi og þetta er ekki bara í framhaldsskólum. Maður
sér þetta líka í áttunda og níunda bekk, stelpur í einhverjum
bol sem er alveg opinn á bakinu og stutt pils.
Dagný: Mér finnst ekki endilega slæmt að vera í einhverju
kynæsandi, maður þarf kannski ekki að vera í einhverri lopa-
peysu. Bara að hver fíli sig sem best, þurfi ekki að skilgreina
sig eins og allir hinir.
Dagný: Mér finnst að þær stelpur sem vilja megi alveg klæða
sig eins og Britney Spears án þess að þær séu „að bjóða uppá
eitthvað". Það er alltaf talað um að stelpur séu að bjóða
uppá eitthvað ef þær eru ekki nógu mikið klæddar. Að hún
sé búin að bjóða uppá að sofa hjá honum vegna þess að hún
klæddi sig svona. Mér finnst að stelpur megi klæða sig ná-
kvæmlega eins og þær vilja, hvort sem það er í siðgalla- eða
stuttbuxur, að það sé ekki búið að stimpla þær sem hrein
mey, ömmustelpur eða druslur.
Teljið þið að það séu gerðar svipaðar kröfur til stelpna og
stráka um kynlíf og útlit?
Dagný: Miklu minni kröfur til stráka. Það er kannski einhver
þrýstingur á þá en þeir komast mjög auðveldlega upp með
að pæla ekki í því hvernig þeir líta út, en það gera stelpur
ekki.
Eitthvað að lokum?
Dagný: Það ætti að vera meira viðurkennt að unglingar
stunda kynlíf. Og að stelpur og strákar eigi að taka meira til-
lit til hvors annars í kynlífi. Og að krakkar tali meira um kyn-
líf, ekki bara eftir á, líka áður.
Pési: Já, stelpur eiga bara að vera fallegar, það er búiö að
koma þeirri hugmynd inn og það eru gaurar sem sjá um að
hanna tískuna.
Nadía: Mér finnst það líka vera þannig að ekki sé hægt að
vera kynæsandi nema fylgja vissri tísku. Það sé ekki hægt
með því að vera bara maður sjálfur. Jú, ef einhver þekkir
mann vel er það hægt. En ef maður kæmi í einhverri lopa-
peysu í partí myndi enginn líta við þér. En ef þú kæmir í ein-
hverju þröngu þá myndu allir taka eftir þér. Og það eru meiri
kröfur á stelpur en á stráka. Stelpur taka meira eftir karakt-
er hjá strákum.
Pési: Maöur tekur vanalega eftir fallegum stelpum.
Krissi: Það er ekkert verra að þær séu flottar.
Pési: Stelpur eru meiri tilfinningaverur og leita aö strákum
með persónuleika. Strákar eru að leita að stelpum sem eru
flottar en leggja ekki eins mikið uppúr persónuleika.
Dagný: Ef stelpa heldur sér ekki nógu mikið í tískunni, er í
þröngum buxum og einhverju svona, þá er hún bara kölluð
lessa eða feministi eöa eitthvað.
Hvað finnst ykkur um þessa Britney Spears fyrirmynd, að
vera brjálað kyntákn en halda fast í meydóminn?
Krissi: Ég veit ekki, hún er að halda í meydóminn útaf krist-
inni trú þannig að það er náttúrlega svolítið annað að fara
að taka hana sem fyrirmynd og byrja að trúa á Guð og halda
í meydóminn þannig.
Nadía: Flestir vita að hún er ekkert svona í alvörunni. Hún er
bara gerð svona. Hún er bara söluvara. En ég sá viðtal við
hana um daginn þar sem var verið að gagnrýna hana fyrir
tónleika þar sem hún reif utan af sér fötin og var þá í fötum
sem voru eins og líkami. Og hún sagði, þetta er bara ég, og
hún má það alveg. En það sem hún fattar ekki er að hún er
rosalega fræg og hefur rosaleg áhrif. Og svo veit maður ekki
hvernig litlar stelpur taka þessu. Eins og litla frænka mín sem
er átta ára. Hún borðar það sem hún vill en er samt alltaf
með áhyggjur af því að vera of feit. Ef hún fer í þröng föt vill
hún halda inní sér maganum. Hún er bara átta ára.
Nadía: Það mætti líka leggja áherslu á að vera ekki með
svona neikvæða umræðu því þetta er ekki allt neikvætt, það
er ekki allt vont við þetta. Mér finnst að unglingar sem byrja
að stunda kynlíf snemma eigi ekki að þurfa að skammast sín
fyrir það.
Pési: Tantra kennsla í skólann. Það eru mín skilaboð, í
dönsku tíma.

1
Krissi: Mér finnst samt þetta klám alveg
rosalegt og þessi Tantra þáttur. Þaö var
eiginlega verið að gera nákvæmlega það
sama í þeim þáttum, bara meiri hljóð-
effeetar í klámmyndunum, og jú, kertaljós
útum allt.
24