Vera - 01.04.2003, Síða 34

/ ALÞINGISKOSNINGAR
»í tilefni af komandi kosningum lagði VERA eftirfarandi spurningu
fyrir fulltrúa stjórnmálaflokkanna: Hvað finnst þér brýnast að gera á
næsta kjörtímabili til að rétta hlut kvenna á breiðum grundvelli?
*
Siv Friðleifsdóttir, Framsóknarflokki
Við höfum verið að vinna góða sigra íjafnréttisbaráttunni á und-
anförnum árum. Meðal annars hefur hlutur kvenna í stjórnmál-
um aukist til muna á síðustu 10 árum, þó nú séu því miður blikur
á lofti. Konum á Alþingi gæti fækkað eftir kosningar. Það yrðu
mikil vonbrigði að sjá hið svonefnda glerþak, þ.e. mörk við um
30% hlut kvenna, hefta framgöngu þeirra. Við það verður ekki
unað. Ég tek heilshugar undir með þeim sem segja að kvenna-
baráttan ætti að skila árangri hraðar. Áfangasigrarnir koma í
stökkum og á milli þeirra er eins og lítið gerist. Ég get þó sagt
með stolti að í Framsóknarflokknum náðum við þeim árangri að
vera með jafnmargar konur og karla í ríkisstjórninni þegar við
gegndum þrjár ráðherraembætti. Það var mikill árangur. Feðra-
orlofið sem við höfðum forystu um að koma á var líka stórt stökk
fram á við í baráttunni.
í mínum huga er stærsta verkefnið í jafnréttismálum á næsta
kjörtímabili að jafna launamun kynjanna. Konur eiga að fá jöfn
laun og sömu kjör fyrir jafnverðmæt og sambærileg störf. Það
þarf að fylgja betur eftir lögum um jafna stöðu og jafnan rétt
kvenna og karla á vinnumarkaði. Snar þáttur íjafnrétti kynjanna
á vinnumarkaði er að fyrirtæki marki sér jafnréttisáætlun. Ég veit
um vinnustaði þar sem jafnréttisáætlanir hafa verið gerðar. Þar
hefur hugarfar til jafnréttis kynjanna breyst mjög til bóta strax í
kjölfarið. Vinnustaðurinn allur, og þá sérstaklega stjórnendurnir,
verða miklu meðvitaðri um jafnréttismál í starfsmannamálum.
Það þarf að fylgja því eftir að lagaákvæðinu um að öllum fyr-
irtækjum með fleiri en 25 starfsmenn sé skylt að gera jafnréttisá-
ætlun. Það er líka afar mikilvægt að við komum á jöfnum áhrifum
kvenna og karla við ákvarðanatöku og stefnumótun í samfélag-
inu. Ég hef skynjað í starfi mínu sem ráðherra undanfarin fjögur
ár að stjórnsýslan er afskaplega karllæg. Það verður að fjölga
konum á Alþingi, í stjórnunarstöðum og nefndum og ráðum.
Þetta er mikilvægt bæði í opinbera geiranum en ekki síður á
einkamarkaðnum. Eimskipafélagið er þó gott dæmi um hið
gagnstæða, en það hlaut viðurkenningu Jafnréttisráðs árið 1999
fyrir þróun og stöðu jafnréttismála.
Klámvæðingin svokallaða er einnig mál sem við jafnréttis-
sinnar þurfum að berjast gegn með oddi og egg. Það eru of mik-
il skilaboð á kreiki í samfélaginu öllu, þ.á.m. í auglýsingum og
sjónvarpsefni, um að konur séu kynferðisleikföng karla. Það þarf
að sýna heildstæðari mynd af nútímakonunni.
Kolbrún Halldórsdóttir,
Vinstrihreyfingunni - grænu framboði
Vinstrihreyfingin - grænt framboð, sem er flokkur róttækrar jafn-
aðarstefnu þar sem kvenfrelsi, náttúruvernd og friðarstefna eru í
öndvegi, hefur að sjálfsögðu kynnt ákveðnar hugmyndir að úr-
ræðum sem rétt gætu hlut kvenna á breiðum grundvelli. Við
erum þeirrar skoðunar að eitt af forgangsverkefnunum sé að
ráðasttil atlögu við launamun kynjanna. Það viljum við gera með
öflugri fræðslu um ástandið, slíkt fræðsluátak yrði unnið í sam-
vinnu við verkalýðshreyfinguna og þá aðila vinnumarkaðarins
sem koma vildu að því. Einnig mætti hugsa sér aðkomu æðri
menntastofnana að slíku verki. Þá viljum við efna til viðræðna við
verkalýðshreyfingu og aðila vinnumarkaðarins um möguleikann
á að endurskoða hið nýinnleidda dreifstýrða launakerfi, með til-
liti til áhrifa þess á launamun kynjanna. Þegar þetta kerfi var inn-
leitt heyrðust viðvörunarraddir þess efnis að áhrifin á launamun
kynjanna yrðu neikvæð og það hefur sannarlega komið í Ijós.
Karlar virðast ná út úr þessu kerfi viðurkenningu á ýmsum sér-
34 / alþingiskosningar / 2. tbl. / 2003 / vera