Vera - 01.04.2003, Qupperneq 58

»Æfingar á ólympískum hnefaleikum urðu fyrst löglegar hér á landi síðasta
haust og í byrjun mars fór fram fyrsta keppnin í þessari íþrótt hér á landi.
Marta Jónsdóttir tók þátt og er þar með fyrsta íslenska konan sem keppir í
ólympískum hnefaleikum. „Þetta er bara svo skemmtilegt og svo er þetta
svolítið óvenjulegt/' segir Marta um þessa nýstárlegu íþróttaiðkun sína. „Ég
hef áður æft sund og skíði en það skemmtilega við boxið er að það er svolítið
öðruvísi. Svo er endalaust hægt að bæta sig og laga tæknina."
Auður Aðalsteinsdóttir
Marta segist hafa byrjað að boxa við vin sinn sem átti hanska og
grímur þegar hún bjó á Akranesi fyrir um tveimur árum og að
smám saman hafi myndast ákveðinn hópur sem æfði sig saman.
„Ég flutti til Reykjavikur í janúar í fyrra og byrjaði siðan að æfa af
alvöru í haust með Hnefaleikafélagi Reykjavíkur," segir hún.
Marta ákvað að taka þátt í fyrrnefndri hnefaleikakeppni og
var dönsk kona fengin til að keppa við hana. „Ég tapaði. En ég
skrifa það á reynsluleysi mitt, þetta var fimmti bardaginn hennar
og hún vann mig á stigum í þremur lotum," segir Marta sem seg-
ir að keppnin hafi verið mikil reynsla fyrir hana. „Það var skrítin
58 / íþróttakonan / 2. tbl. / 2003 / vera