Vera - 01.10.2003, Síða 16

| WPr

í 0 / 1 1 11 P W í 11J111 P1
1 L U ijiM ir/1'1111
»Skærbleikir bolir með ögrandi yfirlýsingum hafa verið einkennismerki nýju
femínistahreyfingarinnar sem fæddist hér á landi á vordögum og hefur tekið út þroska
ótrúlega hratt. Femínistafélag íslands hefur verið áberandi í umræðunni þá mánuði
sem liðnir eru frá því það varð til og hefur sannarlega haft þann slagkraft sem nýjar
hreyfingar þurfa að hafa til að ná eyrum almennings. Á undan þeim hafa aðrar hreyf-
ingar farið og rótað upp í hugmyndaheimi samtíðar sinnar - þar fóru kvenréttindakonur
sem kröfðust kosningaréttar í byrjun aldarinnar og seinna rauðsokkur og kvennafram-
boðskonur sem fóru fram á réttinn til að mennta sig og vinna úti, fá dagvistun fyrir
börn, takmarka barneignir sínar og fá rétt til að taka þátt í stjórnmálum á forsendum
kvenna.
Hér á eftir veltum við fyrir okkur hvað einkennir þessa nýju hreyfingu - þriðju
bylgju femínismans. Eldri og yngri konur tjá sig um málið, við spyrjum hvort karlar geti
verið femínistar og veltum fyrir okkur hvort þriðju bylgju femínistar hafi alveg afneitað
reiðinni sem var oft drifkraftur þeirra sem á undan fóru. Er ekki lengur smart að vera
reið kona sem vill breyta heiminum - eða duga aðrar aðferðir betur núna?
16/5-6. tbl./2003 / vera