Vera - 01.10.2003, Blaðsíða 46

UPPSAGNIR KVENNA Á STÖÐ 2
„Stelpur" og „stórfiskar
»Hvers vegna sitja allir „kallarnir" í hring ? Hvers vegna standa
allir á tröppunum ?Hvers vegna setur konan stút á munninn?
Með spurnarsvip á andlitinu stautar lítil stúlka með úfinn koll
sig í gegnum dagblaðið á morgunverðarborðinu. Inni á milli
Cheerios hringjanna virðist heimurinn taka sáralitlum breyting-
um frá degi til dags. Skálmöldin í fjarlæga landinu virðist söm
við sig. Jakkafataklæddir karlar koma saman til að ræða heims-
málin á forsíðunni og hverri blaðsíðunni á fætur annarri. Oftast
er hægt að ganga að því vísu að hulunni sé svipt af leyndarmáli
einhverrar frægrar og helst léttklæddrar söng- eða leikkonu á
einhverri af öftustu síðunum.
ANNA G. ÓLAFSDÓTTIR
Fjölmiðlar blasa
viö okkur hvert
I sem auga er litið
allan liðlangan daginn. Við erum rétt búin
að nudda stírurnar úr augunum þegar við
seilumst eftir dagblaði - fjarstýringu á sjón-
varpi eða útvarpi, eldsnemma á morgnana.
Eftir að í vinnuna er komið þarf aðeins ör-
litla fingrahreyfingu til að gægjast inn á
helstu fréttavefi heimsins. Æ fleiri freistast
til að grípa til handhægs miðils til að ganga
úr skugga um að allt gangi sinn vanagang
úti í heimi áður en höfuðið er lagt á kodd-
ann á kvöldin.
Fjölmiðlar gera meira en að færa okkur
tölfræðilegar upplýsingar um fyrirbæri eins
og veður og færð. Nútíma fjölmiðlar eru fé-
lagsmótandi afl, þ.e. hafa afgerandi áhrif á
hvernig við sjáum okkur sjálf í víðara sam-
hengi. Engum ætti heldur að dyljast að eitt
stærsta hlutverk fjölmiðla er að endur-
spegla samfélagið með eins raunsönnum
hætti og framast er unnt. Eins og gefur að
skilja er hægt að fara ýmsar leiðir að því
göfuga markmiði, t.d. geta viðmiðunarregl-
ur um kyn, aldur, uppruna og búsetu við-
mælanda komið að góðu gagni. Flestum
fjölmiðlafræðingum ber þó saman um að
lang eðlilegasta leiðin að þessu takmarki sé
að stuðla að því að starfsmenn ritstjórnar-
innar endurspegli eins og hægt er kyn, ald-
ur, uppruna og búsetu viðkomandi samfé-
lags.
Tvö andlit Norðurljósa
Með það í huga er full ástæða til að hafa
áhyggjur af því að jafn áhrifamikill íslenskur
fréttamiðill og Norðurljós skuli hafa sagt
upp sjö konum á fréttastofu Stöðvar 2, þar
af fjórum fréttakonum, á einu bretti hinn
27. júní sl. Eftir uppsagnirnar fækkaði kon-
um á fréttastofunni úr sjö í þrjár. Vegna
barneignarleyfis Brynhildar Ólafsdóttur er
heldur ekki ólíklegt að enn muni halla á
konurnar um miðjan vetur - þótt tima-
bundið sé.
Uppsagnirnar komu ekki aðeins konun-
um heldur flestum starfsfélögum þeirra í
opna skjöldu. Fyrirtækið var nýbúið að aug-
lýsa eftir nýjum andlitum í morgunþáttinn
ísland í býtið og því virtist fátt benda til
þess að niðurskurðarhnífnum yrði brátt
KONUR INNAN RITSTJÓRNA ERU EKKI AÐEINS LÍKLEGRI EN KARLAR
TIL AÐ BENDA Á SLAKA STÖÐU KVENNA í SAMFÉLAGINU. KONURNAR
EIGA OFT AÐRA REYNSLU AÐ BAKI EN KARLAR OG SJÁ ÞVI OFT AÐRA
FLETI Á MÁLUNUM HELDUR EN ÞEIR
brugðið á loft. Ekki vakti minni furðu að
hann skyldi látinn falla á einhverja reynd-
ustu fréttamenn fyrirtækisins - og aðeins
konur. Bryndís Hólm, Hulda Gunnarsdóttir,
Margrét Stefánsdóttir og Ólöf Rún Skúla-
dóttir eiga að baki langan feril í frétta-
mennsku bæði á Stöð 2 og öðrum fjölmiðl-
um. Hulda Gunnarsdóttir hafði til að mynda
starfað nær allan sinn starfsaldur hjá fyrir-
tækinu, eða samfellt í 14 ár. Hulda er með
háskólapróf rétt eins og hinar fréttakonurn-
ar þrjár.
Blauttuska
Skýringar Norðurljósa komu eins og blaut
tuska framan í hópinn. Sigurður G. Guð-
jónsson forstjóri Norðurljósa segir til að
mynda í Fréttablaðinu að breytt vaktakerfi
og tækninýjungar hafi gert fyrirtækinu
kleift að fækka starfsfólki „...fréttastofan
verður jafnvel betri fyrir vikið." Nokkrum
linum neðar er haft eftir Sigurði að samið
hafi verið um breyttan vinnutíma við hina
fréttamennina. „Þeir sem eftir eru pössuðu
vel í prógrammið."
Hvað er Sigurður að fara með þessu orð-
um? Jú, ekki þarf mikinn spekúlant til að
átta sig á því að með breytingunum var
verulega aukið álagið á starfsmenn frétta-
stofunnar. Ekki leið heldur á löngu þar til
spurðist út að fréttamönnunum sem eftir
urðu hefði verið stillt upp við vegg og þeir
þvingaðir til að skrifa undir nýjan kjara-
samning. Varla hafa heildarkjörin batnað
við þennan nýja samning, a.m.k. þótti
Blaðamannafélagi (slands ástæða til að
senda Sigurði G. Guðjónssyni bréf vegna
málsins. Eftir stendur svo sú spurning hvort
stjórnendur fyrirtækisins hafi af „einskær-
um velvilja" ákveðið að taka fram fyrir
hendurnar á konunum og ákveða að aukið
álag myndi síður henta þeim en körlunum
sem eftir stóðu og lutu vilja forstjórans!
Veikluleg viðbrögð formanns Blaðamanna-
félags (slands vöktu ekki síður vonbrigði.
Róbert Marshall formaður Bí segir í samtali
við Morgunblaðið mikið áhyggjuefni að
einungis konum sé sagt upp störfum á
vinnustað þar sem halli á konur. „Það er
gagnstætt öllu því sem við þekkjum í okkar
46 / 5-6. tbl. / 2003 / vera