Freyr - 15.09.1978, Qupperneq 23

Haukur Steindórsson flutti endurskoðaða
tillögu frá lánamálanefnd á þessa leið:
Aðalfundur Stéttarsambands bænda, haldinn á Akur-
eyri 29.—31. ágúst 1978, telur ekki æskilegt að breyta
því fyrirkomulagi, sem nú er, að afgreiða afurða- og
rekstrarlán landbúnaðarins til sölufélaga bænda.
Stefán A. Jónsson lagði til, að skilið yrði
á milli afurða- og rekstrarlána og athugað
yrði um að greiða rekstrarlán beint til
bænda.
Ingi Tryggvason mælti með tillögunni.
Engilbert Ingvarsson benti á, að sumir
bændur keyptu rekstrarvörur sínar af öðr-
um en þeim sölufélögum, sem fengju rekstr-
arlánin í hendur. Þá væri eðlilegt, að bænd-
ur fengju beina greiðslu.
Fundarstjóri óskaði þess, að nefndin tæki
tillöguna enn til athugunar, og var af-
greiðslu hennar frestað í bili.
16. Tillögur frá allsherjarnefnd.
Jón G. Jónsson flutti þessa tillögu nefndar-
innar:
Aðalfundur Stéttarsambands bænda 1978 felur stjórn
sambandsins að fá niðurfelldan innflutningstoll af
íblöndunarefni til votheysgerðar.
Samþykkt samhljóða.
Grímur Jónsson lagði fram í annað sinn
tillögu um húsnæði Landssambands veiði-
félaga, sem allsherjarnefnd hafði endur-
skoðað.
Var hún nú svo:
Aðalfundur Stéttarsambands bænda 1978 gerir sér
fyllilega Ijósa þörf Landssamþands veiðifélaga fyrir
söluskrifstofu á hagfelldum stað.
Því beinir fundurinn því til hússtjórnar Bændahall-
arinnar, að Landssambandið haldi aðstöðu á 1. hæð
Bændahallarinnar.
En fari svo, að það sé ekki mögulegt, verði þvl
séð fyrir húsnæði á öðrum stað í Bændahöllinni, sem
það gæti sætt sig við.
Auk framsögumanns tóku þessir til máls:
Sveinn Guðmundsson, Agnar Guðnason,
Magnús Sigurðsson, Þórður Pálsson og
Guðm. Ingi Kristjánsson.
Sveinn Guðmundsson lagði fram þessa
breytingartillögu:
Niðurlag tillögunnar „haldi aðstöðu o. s. frv. falli
burt, en í staðinn komi ,,fái aðstöðu á eins hag-
stæðum stað í Bændahöllinni og hægt er“.
Magnús Sigurðsson lagði fram þessa
breytingartillögu:
Síðasta málsgrein falli burt.
Breytingartillaga Magnúsar var felld með
17:8 atkv. Breytingartillaga Sveins var
samþykkt með 19:14 atkv.
Aðaltillagan þar með talin samþykkt.
Þá var tekin fyrir endurskoðuð tillaga
allsherjarnefndar um niðurfellingu gjalda af
landbúnaðarvélum. Einar Þorsteinsson
mælti íyrir henni:
Aðalfundur Stéttarsambands bænda 1978 ítrekar
samþykktir fyrri aðalfunda um iækkun aðflutnings-
gjalda af jeppabifreiðum, niðurfellingu tolla, vöru-
gjalds og söluskatts af vélum og tækjum til land-
búnaðar og varahlutum til þeirra. Jafnframt þakkar
fundurinn þær tollalækkanir á tækjum til landbún-
aðar, er samþykktar voru á síðast Alþingi.
a) Fundurinn mótmælir þeim hækkunum á tolli og
innflutningsgjöldum af jeppabifreiðum, sem komu
til framkvæmda árið 1976, og gerir kröfu til, að
álögur ríkisins á þessar bifreiðar til bænda séu
ekki hærri en á atvinnubifreiðar til leigu- og vöru-
bifreiðarstjóra, þar sem hér er um að ræða nauð-
synleg atvinnu- og samgöngutæki í dreifbýli.
b) Þá leggur fundurinn ríka áherslu á, að tollar, vöru-
gjald og söluskattur af vélum, sem fluttar eru inn
vegna landbúnaðarins, og varahlutum til þeirra
verði felldur niður, svo landbúnaðurinn fái notið
sömu kjara og sjávarútvegur og iðnaður.
Felur fundurinn því stjórn Stéttarsambandsins að
fylgja þessum miklu hagsmuna- og réttlætismálum
landbúnaðarins fast eftir við stjórnvöld.
Samþykkt samhljóða.
17. Tillögur framleiðslunefndar.
Hermann Guðmundsson flutti ræðu um
stöðu landbúnaðarins á íslandi og vanda
hans. Mælti hann síðan fyrir þessari tillögu
nefndarinnar:
Aðalfundur Stéttarsambands bænda, haldinn á Akur-
eyri 29.—31. ágúst 1978, telur brýnt, að gripið verði
nú þegar til stjórnunaraðgerða í framleiðslumálum
landbúnaðarins.
F R E Y R
633