Freyr - 15.09.1978, Page 59

Orlofsmálið virðist verða
að bíða, en allir virðast
telja nauðsynlegt að
koma á forfallaþjónustu.
Teljum að ekki eigi að
blanda annarri ull í
íslensku ullina.
orlofssjóður. Það komu fram andmæli gegn því við
könnun, sem gerð var fyrir nokkru, og virtust menn
heldur vilja vera frjálsir að því, hvernig þeir verðu því
orlofsfé, sem þeim er reiknað í grundvellinum.
En í sambandi við forfallaþjónustuna, þá virðist, að
allir telji nauðsynlegt að koma henni á. Ef þetta frum-
varp yrði að lögum og menn fengjust til að sinna þessu
í sveitunum, gætu bændur hringt í þessa menn og fengið
þá í allt að 28 daga, ef forföll eru, og meðan verið er að
finna aðra lausn.
Þetta er hugsað þannig, að það verði borið uppi af ríki
og sveitarfélögum. Síðan er málið hugsað þannig, að
fyrir ákveðinn fjölda bænda verði ráðinn afleysinga-
maður. Það gæti og þyrfti helst að vera maður eða menn
búsettir í sveitunum. Hann gæti t. d. verið aðili að fé-
lagsbúi eða maður, sem á annan hátt væri tiltækur, þeg-
ar á þyrfti að halda. Þetta gæti í tilfellum verið auka-
vinna. en þá yrðu það fleiri, sem gegndu störfum þessum.
Annað mál, sem við vorum að fjalla um og mér finnst
ástæða til að geta um, er varðandi útflutning á ullinni.
Við erum mjög óhressir yfir ullarútflutningnum. En
þannig er það, að samkvæmt íslenskum lögum getum
við ekki haft nein áhrif á innflutning á ull. Eftir að við
gengum í EFTA, þá erum við skyldir til að leyfa hann.
En við viljum sporna við útflutningi á bandi, sem svo
veldur fyrirtækjum okkar erfiðleikum með að vinna
úr ullinni. Við teljum, að það eigi helst ekki að blanda
annarri ull í íslensku ullina. Það teljum við, að geti
orðið til að skaða álit á íslenskum ullarvörum erlendis.
Þær ætti að kynna sem vörur úr hreinni, íslenskri ull,
unnar á íslandi. Því viljum við gefa stjórn Stéttarsam-
bandsins heimild til að láta hanna merki til að merkja
íslenskar ullarvörur og kynna þær undir því merki er-
lendis. Þessi mál verður að reka með framtíðarsjónar-
mið í huga, þó að það kunni að vera stundargróði að
þessum útflutningi á ullarbandi eða lopa og að íblöndun
í ullina, getur það að okkar dómi skaðað framtíðina.
Fleiri mál, sem allsherjarnefnd fjallar um, sem þú
vilt nefna?
Ég má ekki gleyma því, að við höfum til meðferðar
tillögu varðandi fæðingarorlof húsmæðra. Þar viljum
við marka þá stefnu, að það verði sett ein heildarlöggjöf
um fæðingarorlof allra kvenna, þannig að allar sitji sem
mest við sama borð og hafi sama orlof. Við vitum að
vísu, að ríkisstarfsmenn gefa ekki eftir sitt þriggja mán-
aða orlof.
F R E Y R
669