Freyr - 15.09.1978, Qupperneq 62

andi fé til slátrunar í íran. Mestur áhugi
er fyrir veturgömlum hrútum, og hafa
fyrirspurnir borist um kaup á tugum þús-
unda fjár. Sambandið hefur ákveðið, að
sendir verði út fáeinir lifandi hrútar flug-
leiðis sem sýnishorn í haust, og verður þá
hægt að gera sér betri grein fyrir, hvort
hér sé um mál að ræða, sem þurfi meiri
skoðunar við.
Ingi Tryggvason var nýverið á ferð í
írlandi á vegum Stéttarsambandsins og
nefndarinnar til að kynna sér ýmsa þætti
í írskum landbúnaði og þó einkum að kynna
sér útflutning íra á fersku dilkakjöti til
Frakklands. En kunnugt er um, að þeir fá
gott verð fyrir kjötið í Frakklandi. Ástæð-
an fyrir þessu hagstæða verði mun vera
sérstakir samningar milli landanna, auk
þess sem írar þurfa ekki að greiða toll til
Frakklands, þar sem hér er um viðskipti
innan Efnahagsbandalagsins að ræða.
Markaðsnefndin hefur lagt talsverða vinnu
í að kanna möguleika á aukinni sölu land-
búnaðarafurða til herliðsins á Keflavíkur-
flugvelli. í þessu sambandi hafa nefndar-
menn átt viðtöl við utanríkisráðherra og
ráðuneytisstjóra utanríkisráðuneytisins og
starfsmenn Varnarmáladeildar. Rætt hefur
verið við forsvarsmenn hersins um þessi
mál. Ekkert hefur orðið ágengt í þessum
viðræðum og Bandaríkjamenn raunar talið,
að þeir geti ekki aukið kaup sín af okkur.
Þetta mál er því enn á dagskrá hjá nefnd-
inni, því menn eru mjög áhugasamir um
að takast megi að auka viðskipti á þessu
sviði, einkum á ostum og öðrum mjólkur-
vörum. Þess má geta, að herliðið kaupir
neyslumjólk, rjóma, undanrennu, jógúrt
og súrmjólk af íslendingum, aðrar vörur
eru fluttar inn frá Bandaríkjunum.
Þá hefur verið rætt við forsvarsmenn
íslensks markaðar á Keflavíkurflugvelli
um möguleika á aukinni kynningarstarf-
semi í Fríhöfninni á íslenskum búvörum.
Forráðamenn fyrirtækisins eru mjög já-
kvæðir í þessu efni. Þetta mál er enn á
dagskrá hjá nefndinni.
Á sl. vetri var ákveðið að taka þátt í
„Grænu vikunni“ í Berlín, sem svo er köll-
uð. Er þetta mikil sýning, sem dregur til
sín fjölda fólks víðs vegar að, og er eink-
um lögð áhersla á kynningu matvæla. Sam-
bandið annaðist undirbúning og fram-
kvæmd íslensku sýningardeildarinnar og
var lögð mikil vinna í að gera framlag
okkar sem myndarlegast. Jafnhliða þessu
var gerð mjög ítarleg samantekt á dilka-
kjötsmörkuðum í Efnahagsbandalagslönd-
unum. Var skýrsla um þetta efni unnin
af Gylfa Sigurjónssyni, forstöðumanni
Hamborgarskrifstofu SÍS. Hann mætti
einnig á fundum hjá nefndinni og gaf ýms-
ar upplýsingar. í tengslum við þessar að-
gerðir var dilkakjöt haft til sölu í sérversl-
unum í Berlín. Þar voru seld nær 80 tonn
af kjöti. Verðið, sem fengist hefur, er ámóta
og í Danmörku, en þarna erum við í sam-
keppni við Nýsjálendinga, sem halda verð-
inu niðri.
Heyútflutningur.
Aðalfundur Stéttarsambandsins í fyrra fól
markaðsnefndinni að kanna möguleika á
útflutningi heys.
Töluvert hefur verið unnið að þessu máli
ásamt Sambandinu og Búnaðarfélaginu.
Einkum hefur verið athugað að flytja hey
út til Noregs, Færeyja og Grænlands.
Nokkur útflutningur hefur verið til tveggja
fyrrnefndu landanna, þ. e. a. s. að Búnað-
arsamband Eyjafjarðar seldi um 100 tonn
til Noregs sl. vor og Heildverslun Guð-
björns Guðjónssonar seldi 80 tonn til sama
lands. Sambandið seldi um 30 tonn til Fær-
eyja sl. haust og hefur nú samið um sölu
á 60 tonnum þangað í haust. Ekki er enn
ljóst, hvort tekst að selja hey til Noregs
á þessu hausti, enda minna framboð á heyi
en sl. ár.
Fyrr í sumar barst fyrirspurn um verð-
tilboð á heyi frá Grænlandsversluninni
dönsku. Ekki var unnt að fá úr því skorið
672
F R E Y R