Tímarit Þjóðræknisfélags Íslendinga - 01.01.1931, Page 2

Bendingar til húnaðarbóta
1. GOTT ÚTSÆÐI: Manitobabændur skaðast árlega svo miljónum dollara
skiftir á því að nota skemt útsæði. Sérhver bóndi ætti að sá til útsæðis í sér-
stakan blett, undirbúa hann sem bezt, nota aðeins beztu korntegund, er laus
væri við ryð og skemdir, óblönduð öðrum tegundum eða illgresisfræi. Hann
ætti svo að láta þreskja þetta sér, geyma það í sérstöku húsi og nota svo til
útsæðis. Með þessu mundi hann stórum bæta uppskeruna árlega.
2. IlTRYMING ILLGRESIS: Vissasti vegurinn til þess að tapa peningum
er að sá í akur, sem er fullur af illgresi. The Weeds Commission, Manitoba
Ðepartment af Agriculture, Winnipeg, veitir hverjum bónda upplýsingar,
hversu fara skal með land, sem fult er af illgresi.
3. FRJóSEMI LANDSINS: Notið allan heimafenginn áburð á akrana. Ef
þér þarfnist leiðbeininga um hagkvæmustu aðferðir, skrifið, Agronomy
Department, Manitoba Agricultural College, Winnipeg.
4. PLÆGIÐ SNEMMA A HAUSTIN: Reynslan hefir sýnt, að plæging,
sem gerð er snemma á haustin, gefst betur en síðplæging.
5. LEGGIÐ RÆKT VIÐ KYNBÆTUR: Það borgar sig að nota eingöngu
beztu skepnurnar til undaneldis. Akveðið hvaða alidýra kynstofn er þrifa-
mestur, og verið svo ekki að breyta til með hann. Athuga skal, að það er
gagnstætt lögum að láta graðhesta, eldri en ársgamla, naut eldri en 9 mán-
aða, gelti eldri en 4 mánaða, ganga lausa, á hvaða tíma árs sem er. Enn-
fremur gildir hið sama um hrúta, er orðnir eru 4 mánaða gamlir, á tíma-
bilinu frá 1. ágúst til 1. apríl.
6. SKEPNU-HIRÐING: Gefið skepnunum vel. Afhyrnið nautgripi og rófu-
skellið lömbin á réttum tíma.
7. MEÐFERÐ EGGJA: Haldið alifuglahúsunum hreinum, svo eggin verði
ekki óhrein. Skiftið iðulega um hálm í hreiðrunum. Eniangrið hanana frá
fuglahjörðinni eftir að hænurnar fara að sitja á.
8. ÓSÚR RJÓMI: Rjómi er flokkaður eftir gæðum í smjörgerðarhúsunum,
og borgaður að sama skapi. Geymið rjómann þar sem hann helzt kaldur.
Smjör er betra úr ósúrum en súrum rjóma. Um hvernig búa skuli til kæli-
trog, fyrir rjóma, leytið upplýsinga hjá: Dairy Branch, Department of
Agriculture, Winnipeg.
9. KOMIÐ UPP GÓÐUM GARÐI: Það borgar sig fyrir hvem mann, sem
á blett af landi, að koma upp góðum matjurtagarði. Ef unt er að hafa
raðirnar nógu langar, má nota hest við ræktunina og sparar það mikla
vinnu.
10. BCNAÐARBÆKLINGAR: Margir ágætir bæklingar um akuryrkju
hafa verið gefnir út af The Dominion Department of Agriculture, The
Manitoba Department of Agriculture, The Agricuitural Press. Lesið þá
eins marga og þér hafið tíma til. Tlie Manitoba Department of Agriculture.
sendir yður þá, ef þér óskið þess.
A. PREFONTAINE
MINISTER OF AGRICULTURE AND IMMIGRATION.