Tímarit Þjóðræknisfélags Íslendinga - 01.01.1931, Síða 38

20
TÍMARIT ÞJÓÐRÆKNISFÉLAGS ÍSLENDINGA
i
fyrsta tækifæri, og á þann hátt
legði fram þær ástæður, sem hann
hefði að bjóða henni til stuðnings.
Þessu. lofaði hann. — Þetta skrif
er tilraun til að efna það loforð
eftir föngum.
Sumarskóla-hugmyndin eins og
henni var lýst þetta kvöld var eink-
um í þessu fólgin:
1. Að Háskóli íslands stofni til
sumarkenslu frá fyrsta júlímánað-
ar til loka ágústmánaðar ár hvert
í íslenzkum og Norðurlanda fræð-
um, ásamt öðrum námsgreinum,
sem sérkennilegar eru íslandi.
2. Að sérstök athygli verði veitt
námsþörfum útlendinga og að skól-
inn sé aðallega þeim ætlaður.
3. Að svo ágætlega verði til
kenslunnar vandað, að hún, í sín-
um sérfræðigreinum, skari fram úr
öðrum mentastofnunum, hvar sem
leitað sé.
4. Að skólinn standi reiðubúinn
til að uppfræða og aðstoða nem-
endur, á hvaða þekkingarstigi sem
þeir eru í þessum fræðum, alt frá
byrjun til hinna dýpstu og flókn-
ustu rannsókna.
5. Að útlendingum verði gerð
íslandsveran sem allra ánægjuleg-
ust, og þeim gefið tækifæri undir
umsjón og leiðsögn kennaranna,
til að kynnast sögustöðunum og
fegurð landsins.
6. Að í sambandi við sumarskól-
ann (síðustu vikuna eða vikurnar)
verði stofnað til alþjóða ársþings
kennara og sérfræðinga í Norður-
landa- og þar að lútandi fræðum.
7. Að Háskólinn gefi út vandað
ársrit, á svo mörgum tungumálum
sem þurfa þykir, og útbýti því víða
um lönd, á meðal háskóla og ann-
ara mentastofnana, stórblaða og
tímarita, einkum þeirra, sem við
mentamál fást (educational jour-
nals), og þeirra einstaklinga, sem
eftir því æskja eða líklegt þykir að
meti innihald þess.
Þetta eru þá í stuttu máli frum-
drættir sumarskóla-hugmyndarinn-
ar, án nokkurra litbreytinga eða
loftkastala. Þeir eru aðeins byrj-
unartilraun, sem að sjálfsögðu er
í öllum greinum ábótavant. Að
fullkomna uppdráttinn, þegar til
þess kemur, verður annara verk-
efni en mitt.
Alvarleg íhugun þessa máls vek-
ur að minsta kosti þrjár spurning-
ar, sem heimta viðunanleg svör.
lsta sp. — Hvers vegna ætti ís-
land að leggja á sig slíka fyrirhöfn
aðallega fyrir útlendinga?
2ur sp. — Hvers vegna er sumar-
skóli svo æskilegur fyrir útlenda
nemendur?
3ja sp. — Hvaða ágóða mundi
ísland hafa af slíku fyrirtæki?
Fyrstu spurningunni ætla eg ?ð
svara með því að minna á: Að eins
og fossarnir hafa um liðnar aldir
sungið um afl sitt og atgervi, og
óþolinmóðir heimtað tækifæri til
að reyna atorku sína og starfs-
þrek; og eins og hverarnir hafa í
sífellu gosið upp sjóðheitum
straumum, reiðubúnir til að taka
hrollinn úr fólkinu og hjálpa til að
bæta meinsemdir þess: Að á sama
hátt hafa líka gimsteinar íslenzkr-
ar menningar skinið frammi fyrir
þjóðinni, bíðandi þess að þeim yrði
haldið hátt á lofti af henni sjálfri,
svo að þeir fengju að senda geisla-
dýrð sína um allan heim, íslandi
til auðnu og upphefðar.