Fréttatíminn - 07.09.2012, Page 26

SIMPLY CLEVER
ŠKODA Yeti - vertu viðbúinn hinu óvænta.
Í ŠKODA Yeti er sérhver ökuferð einstök. Yeti er sterkur en samt nettur og tekst
auðveldlega á við allar aðstæður.
Undir vélarhlífinni er Yeti með aflmikla og sparneytna 2.0TDI dísilvél sem eyðir
aðeins frá 6 lítrum á 100km.
ŠKODA Yeti 2.0 TDI, 4x4 kostar aðeins frá kr:
4.490.000,-
Umboðsmenn
Höldur Akureyri · Bílasala Selfoss · Bílás Akranesi · Hekla Reykjanesbæ · Heklusalurinn Ísafirði
ekki gefið hvoru fyrir sig allan minn
tíma“, segir Bryndís.
„Það á við okkur bæði. Maðurinn
minn glímir við það sama að þessu
leytinu til og held ég að það eigi við
um alla foreldra sem taka virkan þátt í
uppeldi barnanna sinna.“ Þau skiptast
á að vinna lengur og sinna börnunum
annan hvorn dag. Bryndís vinnur því
fram eftir annan hvorn dag en sækir í
leikskólann og sinnir hinum börnun-
um, sem eru 8 og 10 ára, hina dagana.
„Ég hef ekki enn fundið jafnvægi milli
starfs og einkalífs, ég hef ekki fundið
þá línu. Það væri æskilegra að verja
meiri tíma með fjölskyldunni og hið
sama á við um verkefnin í vinnunni.
Það framkallar ákveðna togstreitu og
kannski er ekki hægt að finna þetta
jafnvægi.“
Þau hjónin hafa markað sér þá
stefnu að verja öllum sínum frí-
tíma með börnunum og vera saman.
„Þetta gengur ekki öðruvísi og við
viljum ekki hafa það öðruvísi,“ segir
Bryndís.
„Auðvitað njótum við ákveðinna
forréttinda hér á Íslandi, andstætt því
sem er í fjölmörgum öðrum löndum,
að geta gert hvort tveggja, komið upp
börnum og sinnt fjölskyldu samhliða
því að sinna krefjandi starfi. En þessi
forréttindi eru ákveðnu verði keypt,“
segir hún. „Treysta þarf meira á aðra
til að halda utan um börnin og sjá um
þau í stóru og smáu þegar foreldranna
nýtur ekki við og ekki síst þarf að
treysta meira á börnin sjálf sem þau
kannski hafa ekki alltaf þroska eða
getu til að standa undir.“
Starfið breyst eftir hrun
Aðspurð segir Bryndís starfið sitt
hafa breyst eftir hrun. „Mikil fjölgun
varð í málum sem bárust embættinu
og tengdust aflandsfélögum og skatta-
skjólum. Slík mál voru svo til óþekkt
fyrir hrun. Það hefur kallað á annars
konar nálgun og vinnu og auðvitað
nýja þekkingu því þessi mál eru oft á
tíðum mun flóknari en áður þekktist.
Mörg þessara mála snúast um veru-
legar fjárhæðir og mun meiri þungi er
lagður í allar varnir, hvort heldur þær
varða efni málsins eða form, strax frá
fyrsta degi rannsóknar. Allt ferlið í
þessum málum er miklu þyngra.“
Í kjölfar hrunsins var starfsfólki
hjá skattrannsóknarstjóra fjölgað.
Við réðum meðal annars inn fólk sem
hafði sérþekkingu á erlendum skatta-
rétti og tvísköttunarmálum. Hins
vegar þyrfti að bæta við 10-20 starfs-
mönnum til viðbótar, eigi stofnunin
að ná að vinna úr þeim málum sem
bíða rannsóknar, að sögn Bryndísar.
„Þetta eru í mörgum tilvikum mál
þar sem grunur beinist að undan-
skoti á verulegum fjárhæðum. Helsti
óvinur efnahagsbrota er tíminn, bæði
hvað varðar fyrningu auk þess sem
hann getur haft veruleg áhrif á þyngd
refsingar. Það er vont að bíða. Það er
hins vegar annarra að taka ákvörðun
um hvaða fjármunum er veitt í þessar
rannsóknir,“ segir Bryndís.
Þó svo að nýlega hafi ekki verið
gerð rannsókn á umfangi svartrar at-
vinnustarfsemi hér á landi er almennt
talið að þegar harðnar í ári aukist
svört vinna. „Skattsvik eru hins vegar
aldrei réttlætanleg og eru alvarleg
svik við þann sáttmála sem við öll
höfum gert með því að búa í því þjóð-
félagi sem við gerum,“ segir hún.
„Æskilegt væri að skattyfirvöld
myndu sinna forvarnarmálum og
fræðslu með markvissum hætti. Ég
teldi mikinn ávinning af því að fara
t.a.m. í skóla og ræða við unga fólkið
um skatta og skattsvik – hvað áhrif
slík brot geta haft á þau sjálf og sam-
félagið,“ segir hún. „Enn er það verk-
efni framtíðarinnar en verður vonandi
áður en langt um líður nútíðin.“
26 viðtal Helgin 7.-9. september 2012