Fréttatíminn - 07.09.2012, Blaðsíða 51

Á mánudögum í október mun SÁÁ
efna til málfunda um mannréttindi
minnihlutahópa. Markmiðið er að
draga saman reynslu ólíkra minni-
hlutahópa af baráttu; fatlaðra, geð-
fatlaðra, þroskaheftra, áfengis- og
vímuefnasjúkra, samkynhneigðra,
kvenna, innflytjenda og miklu
fleiri. Rætt verður um sameigin-
lega hagsmuni þessara hópa af
mannréttindabaráttu; hvað einn
hópur getur lært af árangri næsta;
hvaða aðferðir hafa skilað mestum
árangri og hverjar minni.
Málfundir um mannréttindi
verða haldnir í Von, húsi SÁÁ
við Efstaleiti 7; fundirnir verða í
hádeginu og verður boðið upp á
léttan málsverð. Á hverjum fundi
verða tvö til þrjú inngangserindi
en að þeim loknum verður efnt til
samtals milli gesta.
Það er von stjórnar SÁÁ að þessi
fundaröð byggi upp tengsl milli
ólíkra minnihlutahópa um sameig-
inleg baráttumál sín um mannvirð-
ingu og eyðingu fordóma; jöfn rétt-
indi og sanngirni í samfélaginu.
Eyðum
fordómum
Fjölskyldumeðferð
getur gert kraftaverk
SÁÁ býður upp á vinsæla fjölskyldumeðferð sem er opin fyrir alla aðstandendur alkóhólista og fíkla.
Helga Óskarsdóttir, dagskrárstjóri fjölskyldudeildar SÁÁ, segir aðalvandamál aðstandanda vera meðvirkni.
Málfundaröð uM
Mannréttindi:
Í Von má sækja fjögurra vikna fjölskyldumeðferð sem sniðin er að þörfum þeirra sem eru
aðstandendur alkóhólista og fíkla.
Það er Helga Óskarsdóttir, dag-
skrárstjóri fjölskyldudeildar SÁÁ,
sem heldur utan um meðferðina
sem stendur í fjórar vikur í senn:
„Við hittumst í átta skipti á
mánudags- og fimmtudagskvöld-
um frá 18 til 20.30. Við byrjum
á fyrirlestri, gerum svo smá hlé
og svo er hópvinna á eftir. Einnig
bjóðum við nokkrum sinnum á
vetri upp á helgarnámskeið frá níu
til hálffimm en þau eru aðallega
hugsuð fyrir þá sem eiga heima úti
á landi og það fer eftir eftirspurn
hversu oft þau standa til boða,“
segir Helga
Bleiki fíllinn
Markmiðið með þessari með-
ferð segir Helga vera að fræða
fjölskyldur og aðstandendur
alkóhólista sem standa gjarnan
bjargarlausir frammi fyrir þessum
sjúkdómi. „Við fræðum fjölskyldu-
meðlimi og aðstandendur um
áhrif fíknisjúkdóms á þeirra eigin
líðan og samskipti því jafnvægið
riðlast og fer allt úr skorðum þegar
fíknisjúkdómur fer af stað,“ segir
Helga og tekur það fram að fólk
noti gjarnan aðferðir á fíkilinn sem
virka á önnur vandamál en fíkn-
isjúkdóminn. „Það eru óskráðar
reglur að rugga ekki bátnum, ekki
tala um bleika fílinn í stofunni og
þetta eru skilaboð sem allir fá í
kringum þennan sjúkdóm. Börn
fara oft ung að bera alltof mikla
ábyrgð og ljúga fyrir alkóhólist-
ann. Aðstandendur nota gjarnan
aðferðir sem virka á önnur vanda-
mál en ekki fíknisjúkdóm, það
snýst í höndunum á þeim og hjálp-
ar alkóhólistanum í fíkninni. Fólk
áttar sig ekki á því að alkóhólistinn
þarf að taka ábyrgð á drykkjunni
og afleiðingum hennar en ef það
er alltaf verið að taka til eftir hann
áttar hann sig ekki á stöðunni.“
Meðvirkni og skömm
Hver sem er getur leitað til fjöl-
skyldudeildar SÁÁ en þau spor
reynast mörgum þung því algengt
er að aðstandendur séu með-
virkir með alkóhólistanum. „Fólk
getur komið og pantað viðtal
eða komið inn af götunni og rætt
við ráðgjafa á vakt. Þjónustan er
fyrir alla þá sem hafa orðið fyrir
áhrifum af fíknisjúkdómi sama
hvort veiki einstaklingurinn er
edrú eða í neyslu. En það er oft
erfitt fyrir fólk að leita sér hjálpar
og aðstandandinn er hræddur um
að með því að mæta á staðinn sé
hann að lýsa því yfir að vandamál
sé til staðar. Fólk leggur stundum
langt í burtu af ótta við að sjást af
öðrum og opinbera vandamálið og
oft er erfiðasta skrefið að takast
á við vandann og gera eitthvað
enda stendur meðvirknin oft í veg-
inum. Meðvirkni er aðalmálið og
á námskeiðinu förum við yfir það
af hverju þeim líður eins og þeim
líður og hvað þau geta gert í því.
Það er ótrúlegt að sjá breytinguna
á fólki á meðan námskeiðinu stend-
ur – það er eins og kraftaverk. Þau
kannski sitja samanrekin í byrjun
og treysta engum en fara svo að
slaka á spennunni, tjá sig og jafn-
vel hlæja,“ segir Helga.
Helga segir eftirspurnina
mjög mikla, námskeiðin
eru vel sótt og hafa gefið
góða raun.
Hvað gagnast sjúklingunum best?
Í tengslum við 35 ára
afmæli SÁÁ verður haldin
ráðstefna um meðferð við
áfengis- og vímuefnafíkn
og þarfir þessa sjúklinga-
hóps fyrir heilbrigðis- og
félagsþjónustu.
SÁÁ hefur haldið
fjölmargar ráðstefnur á
undanförnum árum og
boðið hingað til lands
flestu af því fólki sem
stendur fremst í rann-
sóknum á fíknisjúkdóm-
um og í meðferð við þeim.
Í tengslum við afmælis- og
baráttufund SÁÁ í fyrra
var efnt til innlendrar ráð-
stefnu og verður það gert
aftur í ár. Markmiðið er
að gera slíkar innlendar
ráðstefnur um áfengis- og
vímuefnasýki og fjölþætt-
ar þarfir þessa sjúklinga-
hóps að árlegum viðburði.
Ráðstefnan verður hald-
in dagana 1. til 3. október.
Fyrsta daginn verður
áhersla lögð á sjúkrameð-
ferð og litið til þarfa mismunandi hópa; ungmenna, aldraðra, sprautufíkla,
sjúklinga með flókinn geðrænan vanda auk áfengis- og vímuefnafíknar, langt
leiddra alkóhólista og svo framvegis. Á öðrum degi ráðstefnunnar verður
horft til þarfa sjúklingahópsins fyrir endurhæfingu og ýmis félagsleg úr-
ræði; búsetuúrræði, félagslegan stuðning á batatímanum, stuðning við fanga
og fjölskyldur þeirra. Á lokadegi ráðstefnunnar verður fjallað um þörf á sam-
vinnu milli ólíkra stofnana til að þessi sjúklingahópur fái þá þjónustu sem
honum best hentar þar sem hann leitar eftir aðstoð eða hjálp.
Að undanförnu hefir SÁÁ efnt til samtals við flesta þá aðila sem koma að
meðferð og þjónustu við áfengis- og vímuefnasjúklinga. Markmiðið er að fá
sem flesta af þeim aðilum til að taka þátt í að byggja upp þessa árlegu ráð-
stefnu sem vettvang til að miðla nýjustu þekkingu og efna til samtals um
hvernig þjónusta megi þennan sjúklingahóp sem best.
afMælisráðstefna sáá:
s HVað: Afmælisráðstefna SÁÁ
P HVar: Von, Efstaleiti 7
æ HVenær: 1.-3. október
m fYrir HVern: Allir velkomnir
L nánar: www.saa.is
s HVað: Málfundaröð
P HVar: Von, Efstaleiti 7
æ HVenær: Mánudaga í hádeginu
m fYrir HVern: Allir velkomnir
L nánar: www.saa.is
s HVað: Fjölskyldunámskeið
P HVar: Von, Efstaleiti 7
æ HVenær: Mánudags- og fimmtudagskvöld frá 18–20.30
m fYrir HVern: Fjölskyldur og aðstandendur alkóhólista og fíkla
L nánar: www.saa.is
Í tengslum við 35 ára afmæli SÁÁ verður haldin ráðstefna um
meðferð við áfengis- og vímuefnafíkn og þarfir þessa sjúklinga-
hóps fyrir heilbrigðis- og félagsþjónustu. Hér eru hjúkrunar-
fræðingarnir á Vogi en hjá SÁÁ hefur í gegnum áratugina
myndast ómæld reynsla við vinnu með fíknisjúkdómum.
11 2012 SEPTEMBER