Fréttatíminn - 19.11.2010, Qupperneq 12

Gunnhildur Arna
Gunnarsdóttir
gag@
frettatiminn.is
Útsendingar Stöðvar 1 hafnar á netinu
Sjónvarpsstöðin Stöð 1 hóf út-
sendingar nýverið en á dagskrá
stöðvarinnar eru kvikmyndir og
heimildarmyndir. Framhalds-
myndaflokkar bætast við dagskrá
stöðvarinnar á næstunni, að því er
forráðamenn hennar greina frá,
en framkvæmdastjóri og eigandi
stöðvarinnar er Hólmgeir Bald-
ursson, stofnandi Skjás 1.
Útsendingar Stöðvar 1 um
netið eru nú hafnar á slóðinni
www.stod1.is og er um samfellda
opna dagskrá að ræða, án endur-
gjalds. Stöð 1 er fyrsta íslenska
sjónvarpsstöðin sem sendir út
samfellda ótruflaða heildardag-
skrá í rauntíma um netið en þessi
dreifing á merki stöðvarinnar er
viðbót við núverandi dreifingu
um örbylgju, ADSL og ljósleið-
arakerfi Vodafone.
Notendur netsins geta því horft
á Stöð 1 hvar sem þeir eru tengd-
ir á landinu. Auk þess hafa net-
útsendingar stöðvarinnar verið
virkjaðar sérstaklega fyrir Apple-
viðtækin, Iphone, Ipod og Ipad.
Útsending Stöðvar 1 er einungis
opin fyrir íslenska netnotendur
vegna höfundarréttarmála.
Dagskrá Stöðvar 1 er aðgengi-
leg á heimasvæði stöðvarinnar.
Þar er að finna ýmsan fróðleik um
þær kvikmyndir sem eru í boði,
ásamt frekari upplýsingum, sýn-
ishornum og fleira.
Hjá sjónvarpsstöðinni starfa nú
sex manns í fullu starfi við tækni-
legar útsendingar og vinnslu aug-
lýsinga, birtingar, markaðsmál og
fleira. - jh
Átta ungmennum sem búa við
félagslega erfiðleika fannst kerf-
ið ekki hafa brugðist sér heldur
að þau hefðu brugðist sjálf. Þau
töldu sig illa undir það búin að
fara í framhaldsskóla og einhver
þeirra flosnuðu upp úr framhalds-
skólanámi fyrir það eitt að hafa
ekki efni á skólabókum. Þau höfðu
þó framtíðarsýn sem bundin var
við menntun. Þetta kemur fram í
eigindlegri rannsókn sem Hervör
Alma Árnadóttir, lektor við félags-
ráðgjafadeild Háskóla Íslands, og
Ægir Örn Sigurgeirsson, meist-
aranemi í félagsráðgjöf, gerðu
og Hervör Alma kynnti á morg-
unverðarfundi um áhrif niður-
skurðar á framhaldsskólann og
brottfall á Grand hóteli á fimmtu-
dagsmorgun.
„Mest var áberandi þegar við
spurðum um líf þeirra að þau töldu
sig illa undir það búin að fara í
framhaldsskóla og fannst kenn-
arar í grunnskóla ekki hafa verið
meðvitaða um vanda sinn,“ segir
Hervör Alma. „Þeim finnst sem
enginn hafi spurt um aðstæður
þeirra og þau því verið afskipt.“
Hervör Alma segir niðurstöðu
þeirra Ægis meðal annars hafa
verið að stuðningur við ungt fólk í
félagslegum vanda sé fyrir hendi
en sá stuðningur sé oft ekki sá
sem krakkarnir leiti eftir. „Okkur
sýnist sem grípa þurfi fyrr inn í
vanda barna og unglinga og láta
þau ekki um að sækja sér aðstoð-
ina sjálf heldur kynna þeim úr-
ræðin sem fyrst, þá strax í grunn-
skóla, því þegar þau eru orðin 18
til 20 ára séu þau orðin of einangr-
uð.“
 Velferð Ungt fólk sem býr Við félagslega erfiðleika
Unga fólkinu fannst það hafa brugðist
Mest var áberandi þegar við
spurðum um líf þeirra að
þau töldu sig illa undir það
búin að fara í framhalds-
skóla og fannst grunnskól-
inn styðja illa við þau.
„Að geta heyrt tónlistina sína aftur eins
og hún á að hljóma er lítið kraftaverk
- ég heyri aftur söng fuglanna“
©
20
10
O
tic
on
In
c.
A
ll
Ri
gh
ts
R
es
er
ve
d.
Pantaðu tíma í
heyrnarmælingu í síma
568 6880
og prófaðu Agil
með framúrskarandi heyrnartækjum frá Oticon
Upplifðu frelsi
Áttu í erfiðleikum með að heyra í fjölmenni eða klið? Finnst þér aðrir tala lágt eða óskýrt?
Tekur þú sjaldnar þátt í hópumræðum en áður? Allt þetta getur verið merki þess að heyrn þín
sé farin að versna.
Agil eru byltingarkennd ný heyrnartæki sem hjálpa þér að heyra betur með minni áreynslu.
Tölvuörflagan í Agil er helmingi öflugri en áður hefur þekkst en tækin eru samt um helmingi
minni en hefðbundin heyrnartæki og búa þar að auki yfir þráðlausri tækni.
Ekki láta heyrnarskerðingu halda aftur af þér og verða til þess að þú missir úr í samskiptum
við aðra. Njóttu þess að heyra áreynslulaust með Agil heyrnartækjum.
G l æ s i b æ | Á l f h e i m u m 7 4 | 1 0 4 R e y k j a v í k | Þ j ó n u s t a á l a n d s b y g g ð i n n i | S í m i 5 6 8 6 8 8 0 | w w w . h e y r n a r t æ k n i . i s
Bubbi Morthens
Heilbrigðisráðuneytið hefur til at-
hugunar að færa heimaþjónustu við
foreldra fyrstu viku í lífi barns þeirra
af forræði ljósmæðra til heilsugæsl-
unnar. Ekki er stefnt á að spara,
heldur auka samfellu, sveigjanleika
og skipulag. Ljósmæður segja þjón-
ustuna verða dýrari, ópersónulegri
og ómarkvissari. Ráðuneytið hafi
fengið vonda ráðgjöf.
l jósmæðrum lýst ekkert á fyrirhugaðar breytingar sem heilbrigðisráðuneytið hefur
til athugunar að gera á heimaþjón-
ustu við foreldra fyrstu vikuna í lífi
nýfæddra barna þeirra. Ráðuneytið
vill færa þjónustuna af forræði ljós-
mæðra til heilsugæslunnar með
það að markmiði að „auka samfellu
hennar, sveigjanleika og skipulag,“
eins og segir í skriflegu svari þess
við fyrirspurn Fréttatímans. Kostn-
aður við þjónustuna er sagður verða
svipaður, en samningur um heima-
þjónustu ljósmæðra við Sjúkra-
tryggingar Íslands rann út í febrúar
á þessu ári.
Guðlaug Einarsdóttir, formaður
Félags ljósmæðra, segir ljósmæð-
ur óttast að sama manneskjan vitji
ekki hvers barns heldur geti gerst
að fjöldi komi að hverju barni. „Það
er bókað að þetta verður dýrara og
okkur ljósmæðrum finnst furðulegt
 heimaþjónUsta ljósmæðUr ósáttar Við fyrirhUgaðar breytingar
Segja ráðuneytið fá slæma
og óvandaða ráðgjöf
á sparnaðartímum að gera meðvit-
að slíkar breytingar á þjónustu sem
virkar vel,“ segir hún.
Í svari heilbrigðisráðuneytisins
segir að heimaþjónustan hafi að-
eins staðið til boða ef ljósmóðir
finnist sem sé reiðubúin að veita
hana. Guðlaug segir það ekki hafa
komið upp síðasta ár að foreldrar
sem eigi rétt á þjónustu hafi ekki
fengið hana. Hún bendir á niður-
stöðu könnunar sem ljósmæður hafi
gert nú í sumar og sýni að ekki hafi
dregið úr heimavitjunum um helgar
eða á frídögum, eins og ljósmæður
óttist að gerist, verði þjónustan í
umsjá heilsugæslunnar. Ljósmæð-
ur óskuðu eftir fundi með ráðherra
í ágúst og hafa ítrekað þá ósk eftir
að nýr heilbrigðisráðherra tók við,
en ekki fengið. Þær vilja skýra mál
sitt fyrir ráðherra.
Ætlar að hlusta á ljósmæður
„Okkur sýnist ráðuneytið hafa
fengið slæma og óvandaða ráðgjöf
og skort hafi á að málið væri skoðað
til hlítar. En það hefur verið traust-
vekjandi að sjá að nýr heilbrigðis-
ráðherra, sem tekið hefur sæti í
umhverfisnefnd vegna virkjana á
Suðurlandi, hefur lagt áherslu á
að skoða þau mál út í hörgul áður
en ákvarðanir eru teknar, þannig
að við ættum að vera vongóðar um
að sú taktík fylgi líka innan ráðu-
neytisins.“
Ráðuneytið ítrekar að ekki hafi
verið tekin endanleg ákvörðun
um að ráðast í þessar breytingar:
„Fram er komið að landlæknir,
Landspítali og Heilsugæsla höfuð-
borgarsvæðisins styðja fyrirhugaða
breytingu. Ráðuneytið mun kynna
sér betur sjónarmið ljósmæðra áður
en ákvörðun verður tekin.“
Gunnhildur Arna Gunnarsdóttir
gag@frettatiminn.is
Það er bókað að þetta verður dýrara og okkur
ljósmæðrum finnst furðulegt á sparnaðartímum
að gera meðvitað slíkar breytingar á þjónustu
sem virkar vel.
12 fréttir Helgin 19.-21. nóvember 2010